الماتى الەمنىڭ ءۇش ءىرى حالىقارالىق رەيتينگ اگەنتتىكتەرىنىڭ ءبىرى Fitch Ratings ۇسىنعان قازاقستاننىڭ تاۋەلسىز رەيتينگى دەڭگەيىندە "BBB" حالىقارالىق كرەديتتىك رەيتينگىنە يە بولدى، دەپ حابارلايدى Qamshy.kz اقپارات اگەنتتىگى.
سوڭعى بەس جىلدا الماتى قالاسىنىڭ ەكونوميكاسىنا، بيۋدجەتىنە جانە كرەديتتىك بەيىنىنە جۇرگىزىلگەن تالداۋ ناتيجەلەرى بويىنشا Fitch "BBB" (ينۆەستيسيالىق دەڭگەي) دەڭگەيىندە شەتەل جانە ۇلتتىق ۆاليۋتاداعى ەميتەنت دەفولتىنىڭ (IDR) ۇزاق مەرزىمدى رەيتينگىن جانە "BBB+" دەڭگەيىندە اۆتونومدى نەسيەلىك بەيىن (SCP) بەردى https://www.fitchratings.com/site/pr/10088964
Fitch Ratings ستاندارتتارىنا سايكەس، "BBB" ەميتەنتتىڭ جاقسى نەسيەلىك ساپاسى بولىپ تابىلادى جانە نەسيەلىك تاۋەكەل بويىنشا تومەن اعىمداعى كۇتۋدى كورسەتەدى.
اتالعان نەسيەلىك رەيتينگ الماتىنىڭ ەۋروپا جانە ورتالىق ازيا (ECA Cities) قالالارىنىڭ باعدارلاماسى شەڭبەرىندە حالىقارالىق قارجى كورپوراسياسى (IFC) قولدايتىن قالانىڭ ماقساتتى ينفراقۇرىلىمدىق باعدارلاماسىن جەكە قارجىلاندىرۋدىڭ ۇزاق مەرزىمدى قۇرالدارىن انىقتاۋ جونىندەگى كۇش-جىگەرىن راستاۋ بولىپ تابىلادى.
باعدارلاما قوعامدىق كولىك، سۋمەن جابدىقتاۋ، سۋ بۇرۋ، قالدىقتاردى باسقارۋ، ەنەرگيا ءتيىمدى جانە اقىلدى قالالىق تەحنولوگيالاردى قوسا العاندا، ەكولوگيالىق تازا جانە ورنىقتى مۋنيسيپالدىق ينفراقۇرىلىم كومەگىمەن ءتۇيىندى قىزمەتتەر كورسەتۋدى جاقسارتۋعا باعدارلانادى.
قالامەن ىنتىماقتاستىق اياسىندا IFC الماتىعا حالىقارالىق نەسيە رەيتينگىن بەرۋگە ءوتىنىم بەرۋ ءۇشىن ءتيىستى قۇجاتتاردى دايىنداۋ جانە رەيتينگ الۋ پروسەسى بارىسىندا باسشىلىق پەن ۇسىنىستار بەردى.
حالىقارالىق نەسيە رەيتينگى ينۆەستورلارعا الماتىنىڭ كرەديتتىك قابىلەتتىلىگىن جانە ءوزىنىڭ قارجىلىق مىندەتتەمەلەرىن ورىنداۋ مۇمكىندىگىن بەرۋ ءۇشىن شەشۋشى مانگە يە. رەيتينگتى بەرۋ جانە IFC مەن الماتى اراسىنداعى ستراتەگيالىق سەرىكتەستىكتىڭ العاشقى قادامى بولىپ تابىلادى، ول ءىرى ينفراقۇرىلىمدىق جوبالار ءۇشىن ۇزاق مەرزىمدى تاۋەلسىز ەمەس قارجىلاندىرۋ نارىعىنا "جول اشادى". بۇل جۇمىس قالالىق ينفراقۇرىلىم بويىنشا ءوز ساراپتاماسىن اكەلەتىن دۇنيەجۇزىلىك بانكپەن تىعىز ىنتىماقتاستىقتا دا جۇزەگە اسىرىلادى.
ورتالىق ازيا بويىنشا IFC ايماقتىق مەنەدجەرى كاسساندرا كولبەرت – "حالىقارالىق كرەديت رەيتينگىن الۋ قالانىڭ ءوزىنىڭ ءوسىپ كەلە جاتقان ينۆەستيسيالىق قاجەتتىلىكتەرى ءۇشىن كوممەرسيالىق ۇزاق مەرزىمدى قارجىلاندىرۋدى تارتۋ قابىلەتىن كۇشەيتۋدەگى ماڭىزدى قادام بولىپ تابىلادى. IFC مىندەتى – زاماناۋي ينفراقۇرىلىمعا ينۆەستيسيا تارتۋ جانە الماتىعا ءوز تۇرعىندارىنىڭ ءومىر ءسۇرۋ ساپاسىن جاقسارتۋ ءۇشىن ءتيىمدى جانە تۇراقتى قىزمەت كورسەتۋگە كومەكتەسۋ"، – دەدى.
الماتىنىڭ نەسيەلىك رەيتينگى حالىقارالىق ينۆەستيسيالىق قاۋىمداستىقتىڭ نازارىن اۋدارۋ ماقساتىندا Fitch Ratings باعالايتىن الەمنىڭ جەتەكشى استانالار رەيتينگتەرىنىڭ تىزىمىنە ەنگىزىلەتىن بولادى.
الماتى قالاسى اكىمىنىڭ ورىنباسارى ءىلياس وسەروۆ "جوعارى نەسيەلىك رەيتينگ الماتى قالاسىندا جايلى ينۆەستيسيالىق احۋال تۋعىزىپ، بيزنەس-باستامالارعا ارنالعان بارىنشا پەرسپەكتيۆالى ينۆەستيسيالىق الاڭ بولىپ قالا بەرەدى. ءبىز نەسيەلىك رەيتينگتى اعىمداعى "BBB+" - تەن الەمنىڭ جەتەكشى قارجى ۇيىمدارىمەن ۇزاق مەرزىمدى زاەمدار جاساي وتىرىپ، ودان دا جوعارى ينۆەستيسيالىق دەڭگەيگە دەيىن كوتەرۋدى جالعاستىراتىنىمىزدى ايتا كەتۋ كەرەك»، – دەپ اتاپ ءوتتى.
IFC جانە الماتى قالاسىنىڭ اكىمدىگى 2019 جىلدىڭ اقپان ايىندا ستراتەگيالىق ارىپتەستىك تۋرالى كەلىسىمگە قول قويدى، ونىڭ اياسىندا IFC ۇزاق مەرزىمدى كاپيتالعا قول جەتكىزۋدە جانە ينفراقۇرىلىمعا ينۆەستيسيالاردى تارتۋعا اكىمدىككە قولداۋ كورسەتەدى.
پىكىر قالدىرۋ