سونداي-اق، ءبىرقاتار ازامات "ەڭبەگى ءۇشىن" توسبەلگىسىمەن ماراپاتتالدى. قالا كۇنىن مەرەكەلەۋ تۇڭعىش پرەزيدەنت ساياباعىندا ءوتتى. بيىل العاش رەت قالا اكىمىنىڭ ۇسىنىسىمەن قالا ءماسليحاتى بىردەن جەتى ازاماتقا قۇرمەتتى ازامات اتاعىن بەردى، دەپ حابارلايدى Qamshy.kz اقپارات اگەنتتىگى. 

وسىلايشا ءار سالا بويىنشا مەگاپوليستىڭ دامۋىنا ۇلەس قوسقان تۇرعىنداردىڭ ەڭبەگى ەلەندى.

الماتى قالاسىنىڭ قۇرمەتتى ازاماتى اتاعىنا "Nur Otan" پارتياسى ءتوراعاسىنىڭ ءبىرىنشى ورىنباسارى باۋىرجان بايبەك، حالىق جازۋشىسى ءابدىجامىل نۇرپەيىسوۆ، اقىن، ادەبيەتتانۋشى-جازۋشى، قوعامدىق-ساياسي قايراتكەر ولجاس سۇلەيمەنوۆ، بالەت ءارتىسى، حورەوگراف، مەملەكەتتىك اكادەميالىق بي تەاترىنىڭ ديرەكتورى بولات ايۋحانوۆ، تەاتر جانە كينو اكتەرى، رەجيسسەر يۋريي پومەرانسيەۆ، "شيپا-دەنت" ستوماتولوگيالىق كلينيكاسىنىڭ ديرەكتورى ءمۇسلىمباي دايىربەكوۆ جانە ق ر ۇعا اكادەميگى ق ر عىلىم مەن تەحنيكانىڭ ەڭبەك سىڭىرگەن قايراتكەرى، ەكونوميكا عىلىمدارىنىڭ دوكتورى امانجول قوشانوۆ يە بولدى.

سونداي-اق، ب. ساعىنتايەۆتىڭ "ەڭبەگى ءۇشىن" توسبەلگىسىمەن ماراپاتتالعانداردىڭ اراسىندا №162 مەكتەپتىڭ حيميا ءپانىنىڭ ءمۇعالىمى تاستان سىدىقبەكوۆ، تروللەيبۋس جۇرگىزۋشىسى نادەجدا كيريچەنكو، مەدەۋ اۋداندىق پوليسيا ينسپەكتورى داۋلەت قايراتوۆ، Astana Group-تىڭ يەسى نۇرلان سماعۇلوۆ، "Kaspi Bank" ديرەكتورلار كەڭەسىنىڭ ءتوراعاسى ۆياچەسلاۆ كيم جانە ت.ب بار. حالىق جازۋشىسى ءابدىجامىل نۇرپەيىسوۆ الماتى قالاسىنىڭ قۇرمەتتى ازاماتى اتاعىن قالا اكىمى باقىتجان ساعىنتايەۆتىڭ قولىنان الۋ زور مارتەبە ەكەنىن تىلگە تيەك ەتىپ، بارشا قاۋىمدى بۇگىنگى قالا كۇنىمەن قۇتتىقتادى.

"بۇل مارتەبەلى اتاقتى مەنىڭ قالامگەرلىگىمدى بۇرىننان باعالاپ كەلگەن باقىتجان ساعىنتايەۆتىڭ قولىنان الۋ مەنى ەكى ەسە قۋانتتى"، – دەدى ءا. نۇرپەيىسوۆ.