الماتى قالاسىنىڭ اكىمى باقىتجان ساعىنتايەۆتىڭ اتىنا الەمنىڭ تۇكپىر-تۇكپىرىنەن قالا كۇنىمەن قۇتتىقتاعان حاتتار كەلىپ تۇسۋدە، دەپ حابارلايدى Qamshy.kz اقپارات اگەنتتىگى.
ولاردىڭ اراسىندا باۋىرلاس قالالاردىڭ مەرلەرىنەن دە بار. الماتى مەن ونىڭ تۇرعىندارىن ءتول مەرەكەسىمەن قۇتتىقتاعان ءۆيلنيۋستىڭ مەرى رەميگيۋس شيماشيۋس قالانىڭ گۇلدەنۋىن تىلەيدى.
سونداي-اق، روساريو قالاسىنىڭ مەرى مونيكا فەين دە الماتىلىقتاردى مەرەكەسىمەن قۇتتىقتايدى. قۇتتىقتاۋ جەدەلحاتىندا ول: "الماتى بۇگىندە قازاقستاننىڭ جانە بۇكىل ورتالىق ازيانىڭ قارجى جانە مادەني ورتالىعى بولىپ تابىلادى! ءبىز جۋىردا روساريونىڭ الماتىنىڭ باۋىرلاس قالاسى بولاتىنىن ماقتان ەتەمىز" دەدى.
سونداي-اق، مونيكا فەين روساريو قالاسىنىڭ بارلىق تۇرعىندارىنىڭ اتىنان الماتىنىڭ وركەندەۋىنە تىلەكتەستىك ءبىلدىرىپ، الەمنىڭ وزگە قالالارى سەكىلدى قارقىندى دامۋىن جالعاستىرۋدى تىلەدى.
پىكىر قالدىرۋ