شىمكەنتتە جولاۋشىلار اۆتوبۋسى جەڭىل كولىكپەن سوقتىعىستى، - دەپ حابارلايدى Qamshy.kz اقپارات اگەنتتىگى حابار 24ء-تىڭ دەرەگىن نەگىزگە الىپ. سوققىدان اۆتوبۋستىڭ ءبىر جانىنا اۋدارىلىپ قالعانى ايتىلادى.

ناتيجەسىندە ءبىر ادام قازا تاپتى، ول — كوندۋكتور. 13 ادام جاراقات الدى. ونىڭ ۇشەۋى — بالا. زارداپ شەككەندەر اۋرۋحاناعا جەتكىزىلدى.

"ءبىر ايەلدىڭ جاسى 39-دا، ول جانساقتاۋ بولىمىندە جاتىر. ول ميى شايقالىپ اۋرۋحاناعا تۇسكەن. بارلىعى اۋرۋحاناعا 10 ادام جاتقىزىلعان. ەڭ كىشىسى 17 جاستا، ال ەڭ ۇلكەنى 56-دا"، - دەپ حابارلادى № 1 قالالىق كلينيكالىق اۋرۋحانا قابىلداۋ ءبولىمىنىڭ مەڭگەرۋشىسى وتكىرجان مولداحانوۆ.

بۇل دەرەك بويىنشا سوتقا دەيىنگى تەرگەپ-تەكسەرۋ ق ر قك-نىڭ 345-بابىنىڭ 3-بولىگى بويىنشا ءجۇرىپ جاتىر. سوت ساراپتاماسى تاعايىندالعان.