قالا كۇنىن مەرەكەلەۋ اياسىندا باقىتجان ساعىنتايەۆ 14-20 قىركۇيەك ارالىعىندا وتەتىن II حالىقارالىق Almaty Film Festival كينوفەستيۆالىنىڭ اشىلۋ راسىمىنە قاتىستى. فەستيۆالدىڭ ۇرانى – "مادەنيەتتەردى جاقىنداستىرۋ"، دەپ حابارلايدى اكىمدىكتىڭ باسپا ءسوز قىزمەتى.
نەگىزگى كونكۋرسقا 2019 جىلعى ەكى جانە ودان دا كوپ ەلدىڭ ونىمدەرى بولىپ تابىلاتىن 12 كينوكارتينا ءتۇستى. كونكۋرسقا كوپجىلدىق سەرىكتەستىك قارىم-قاتىناس قالىپتاسقان جانە حالىقارالىق كينوفەستيۆالدەردە ۇسىنىلعان ەلدەردىڭ كو-ونىمدەرىنىڭ فيلمدەرى، سونداي-اق سيرەك كو-ونىمدەردىڭ فيلمدەرى ەندى. فەستيۆالدى اشقان قالا اكىمى 10-نان استام ەلدەن كەلگەن، اتاپ ايتقاندا، رەسەي، قىرعىزستان، وزبەكستان، يران، اقش، گەرمانيا، ۇلىبريتانيا، فرانسيا، نيدەرلاندى، جۇڭگو، ءۇندىستان، وڭتۇستىك كورەيا، يتاليا، ءازىربايجان، بولگاريا، بانگلادەش، پورتۋگاليا، سينگاپۋر، پالەستينا، ارگەنتينا قوناقتارىنا ءىلتيپات ءبىلدىردى.
– فەستيۆالدىڭ ءوتىپ جاتقانىنا ەكى-اق جىل بولدى. ءبىراق ول الەمدىك كينوجوبالار كۇنتىزبەسىندە لايىقتى ورىن الا ءبىلدى. بۇل – اقان ساتايەۆ سەكىلدى كينوعا عاشىق جانداردىڭ ەرەن ەڭبەگى. وسىنداي ەنتۋزياستاردىڭ ارقاسىندا فەستيۆال قالا كوركىنىڭ ءبىر بولشەگىنە اينالدى، – دەدى ب. ساعىنتايەۆ.
مەگاپوليس باسشىسىنىڭ ايتۋىنشا، الماتى – جانعا جىلۋ سىيلايتىن جايلى ءارى كرەاتيۆتى قالا. ال ونىڭ تۇرعىندارى كينو ونەرىن باعالاي الادى جانە تۇسىنەدى. مۇنداي شارالار ەلىمىزدىڭ مادەني استاناسى بولىپ تابىلاتىن الماتىنىڭ جەتىستىگىن ەسەلەي تۇسەتىنى انىق.
فەستيۆالدە يۋنەسكو-مەن بىرلەسكەن "كينوداعى ايەلدەر"، "Ecfa" بالالار فيلمدەرىنىڭ ەۋروپالىق قاۋىمداستىعىمەن بىرلەسكەن "وتباسىلىق كينو" باعدارلاماسى، "جارقىن دەبيۋتتەر" باعدارلاماسى جانە "ۇشقىن" ستۋدەنتتىك كينوفەستيۆالى جەڭىمپازدارىنىڭ باعدارلاماسى سياقتى كونكۋرستان تىس باعدارلامالار ۇسىنىلادى. "ەرەكشە وقيعا" باعدارلاماسى اياسىندا "ALMATY FILM FESTIVAL" حالىقارالىق كينوفەستيۆالىنىڭ اتاقتى الەمدىك قوناقتارىنىڭ جاڭا جانە رەتروسپەكتيۆتى فيلمدەرى، سونداي-اق بىرەگەي گالا-پرەمەرلەر كورسەتىلەدى. جابىلۋ ءراسىمى كەزىندە 5 نەگىزگى نوميناسيا بويىنشا ماراپاتتاۋ وتەدى:
• كينوفەستيۆال گران-پريى؛
• ۇزدىك رەجيسسەر؛
• ۇزدىك اكتەر؛
• ۇزدىك اكتريسا؛
• قازىلار القاسىنىڭ ارنايى جۇلدەسى؛
• يۋنەسكو-نىڭ ارنايى سىيلىعى.
پىكىر قالدىرۋ