امەريكالىق ارنايى قىزمەتتىڭ بۇرىنعى قىزمەتكەرى ەدۆارد سنوۋدەن شەنەۋنىكتەرگە WhatsApp پەن Telegram مەسسەندجەرلەرىن قولدانباۋعا كەڭەس بەرەدى، دەپ حابارلايدى Qamshy.kz اقپارات اگەنتتىگى forbes.kz-كە سىلتەمە جاساپ.
ونىڭ سوزىنشە، اتالعان قوسىمشالار قاجەت جاعدايدا قولدانۋشىلاردىڭ اڭگىمەلەرى مەن حابارلامالارىنىڭ مازمۇنىن بىلە الادى. دەسە دە سنوۋدەن WhatsApp پەن Telegram جەلىلەرى قاراپايىم سمس-حابارلامالارمەن سالىستىرعان ءقاۋىپسىز ەكەنىن دە ايتتى. ونىڭ ويىنشا Signal جانە Wire مەسسەندجەرلەرى – ەڭ ءقاۋىپسىز جەلىلەر.
بۇعان دەيىن Telegram-نىڭ نەگىزىن قالاعان پاۆەل دۋروۆ WhatsApp مەسسەندجەرىن اشىق سىنعا العان بولاتىن. ال Apple قۇرىلتايشىلارىنىڭ ءبىرى ستيۆ ۆوزنياك جەكە دەرەكتەردىڭ قاۋىپسىزدىگى ءۇشىن Facebook-تان شىعىپ كەتۋگە كەڭەس بەرگەن. ول ءوز اككاۋندىن وتكەن جىلى ءوشىرىپ تاستاعان بولاتىن.
