استانادا الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ XVIII وتىرىسى باستالدى. بۇگىن سەنات ءتوراعاسى داريعا نازاربايەۆا حاتشىلىق ءتوراعاسى رەتىندە وتىرىستى العاش رەت وتكىزىپ وتىر، دەپ حابارلايدى Qamshy.kz اقپارات اگەنتتىگى. وتىرىس كەزىندە داريعا نازاربايەۆا توقايەۆتىڭ سەنات ءتوراعاسى بولىپ قىزمەت اتقارعانداعى جۇمىسىنا جوعارى باعا بەردى.
"تاۋەلسىزدىك جىلدارىندا وڭىرلىك قاۋىپسىزدىك پەن تۇراقتىلىقتىڭ تىرەگىنە اينالعان ەلدىڭ باسشىسى نۇرسۇلتان نازاربايەۆتىڭ باستاماسىن ەڭ ءىرى الەمدىك دىندەر مەن كونفەسسيالاردىڭ باسشىلارى قولدادى. ونىڭ كونفەسسياارالىق اشىق ديالوگ وتكىزۋ يدەياسىن سول ساتتە بارشا الەمنەن قولداۋ تاپتى. سودان بەرى قازاقستاننىڭ تۇڭعىش پرەزيدەنتىنىڭ ستراتەگيالىق سالماقتى ءارى كورەگەن باستاماسى ءوزىنىڭ وزەكتىلىگىن جوعالتقان ەمەس"، - دەپ باستادى ءسوزىن نازاربايەۆا.
سەزد بارىسىندا ءۇندى مادەنيەتى ورتالىعىنىڭ ديرەكتورى كالا دحاناندجەي اچاريا ماحاببات پەن ونەر، تاتۋ ديالوگ تۋرالى ايتقان. داريعا نازاربايەۆا دوكتوردىڭ سوزىمەن كەلىسىپ، كەلەسى سەزدە ونەر فەستيۆالىن ۇيىمداستىرۋدى ۇسىندى.
"ماعان ونەر - ادام جۇرەگىنە جەتكىزەتىن ەڭ قىسقا جول دەگەن يدەيا ۇنايدى. سوندىقتان، سىزبەن تولىق كەلىسەمىن، تاتۋلىق، بەيبىتشىلىك، ءدىنارالىق جانە كونفەسسياارالىق ديالوگ مۇددەسىندە بارلىق باعىت بويىنشا ونەردى ازىرلەۋ جانە پىسىقتاۋ قاجەت دەگەن كوزقاراسىڭىزبەن كەلىسەمىن. كەلەسى كونگرەستە وسى تاقىرىپقا ارنالعان ونەر فەستيۆالىن ۇيىمداستىرىپ، دايىنداي الامىز دەپ ۇمىتتەنەمىن. وسى باستامادا قوساتىن ىقتيمال ۇلەسىڭىز ءۇشىن ءبارىمىز سىزگە العىس ايتامىز دەپ ويلايمىن. ەگەر بۇل فەستيۆالعا جاستار نازارىن اۋدارتا الساڭىز، بۇل وسى تاقىرىپقا ارنالعان ونەر كورمەسىن ۇيىمداستىرۋ ءۇشىن ەكى ەسە پايدالى بولار ەدى. ءبىزدىڭ جۇمىس توبىمىز وسى بويىنشا جۇمىس ىستەيدى"، - دەدى داريعا نازاربايەۆا.
كەيىن داريعا نازاربايەۆا اكەسى نازاربايەۆتىڭ سيرياداعى ماسەلەنى ەلوردادا رەتتەۋ باستاماسى تۋرالى ايتتى.
"قۇرمەتتى قوناقتار، ءبىزدىڭ الدىمىزدا 202 جىلعا جوسپارلانعان الەمدىك جانە ءداستۇرلى دىندەر ليدەرلەرىنىڭ VIII سەزىنىڭ كۇن تارتىبىندەگى نەگىزگى تاقىرىپتاردى تۇجىرىمداۋ جانە ونى وتكىزۋدى ۇيىمداستىرۋ بويىنشا جاۋاپتى جۇمىس كۇتىپ تۇر"، - دەدى نازاربايەۆا.
وتىرىس كەزىندە سان الۋان كونفەسسيا وكىلدەرى حاتشىلىقتىڭ بۇرىنعى ءتوراعاسى قاسىم-جومارت توقايەۆتىڭ ەڭبەگىن ەرەكشە اتاپ ءوتتى. داريعا نازاربايەۆا ونىڭ بۇعان دەيىن اتقارعان جۇمىسىنا جوعارا باعا بەردى.
پىكىر قالدىرۋ