قازاقستان پرەزيدەنتى قاسىم-جومارت توقايەۆتىڭ جارلىعىمەن بەيبىت اتامقۇلوۆ سىرتقى ىستەر ءمينيسترى قىزمەتىنەن بوساتىلىپ، وسى ۋاقىتقا دەيىن ونىڭ ورىنباسارى بولىپ كەلگەن مۇحتار تىلەۋبەردى اتالعان مينيسترلىكتىڭ باسشىسى بولىپ تاعايىندالدى دەپ جازادى Qamshy.kz اقپارات اگەنتتىگى. بۇل تۋرالى اقوردا سايتى حابارلادى.
"مۇحتار بەسكەن ۇلى تىلەۋبەردى قازاقستان رەسپۋبليكاسىنىڭ سىرتقى ىستەر ءمينيسترى بولىپ تاعايىندالسىن، ول بۇرىنعى اتقارعان قىزمەتىنەن بوساتىلسىن"، - دەلىنگەن توقايەۆتىڭ جارلىعىندا.
ال 2018 جىلدىڭ اياعىندا سول كەزدەگى ەل پرەزيدەنتى نۇرسۇلتان نازاربايەۆتىڭ جارلىعىمەن سىرتقى ىستەر ءمينيسترى بولىپ تاعايىندالعان بەيبىت اتامقۇلوۆ قازىرگى پرەزيدەنت توقايەۆتىڭ جارلىعىمەن يندۋستريا جانە ينفراقۇرىلىمدى دامىتۋ ءمينيسترى بولىپ تاعايىندالدى.
پىكىر قالدىرۋ