الماتى قالاسىنىڭ تجد مالىمەتى بويىنشا، شاھاردا 7 ءقاۋىپتى كولدە سەلدىڭ الدىن-الۋ جۇمىستارى جۇرگىزىلدى. تەك №1 كولدەن عانا 42 مىڭ تەكشە مەتر سۋ سورىپ الىندى، مۇزداقتاردىڭ اعىن سۋلارى بولماعاندا ونى 20 رەت تازارتۋ مۇمكىن ەدى، دەپ حابارلايدى قالالىق اكىمدىكتىڭ باسپا ءسوز قىزمەتى.

ەسكە سالساق، 2019 جىلدىڭ 14 تامىزىندا №1 كولدە بۇرىنعى ىشكى مورەندى كانال اعىسى بويىنشا سۋدىڭ تاسۋ ءقاۋپى بايقالدى. دەر كەزىندە جۇرگىزىلگەن شارالار بارىسىندا ىشكى مورەندى كانالداردىڭ قىسىمى ازايدى، ناتيجەسىندە قارعالى وزەنىنە ءىرى مولشەردە سۋ اققان جوق، سوندىقتان ول «سەل تاسقىنى» رەتىندە سيپاتتالدى، ويتكەنى ونىڭ قۇرامىندا سەلگە ءتان زاتتار (ءىرى تاستار، اعاشتار جانە باسقالارى) بولعان جوق.

كىشى، ۇلكەن الماتى جانە اقساي وزەندەرىنىڭ باسسەيندەرىندەگى قالعان 6 كولدەن 4،6 ملن. تەكشە مەتردەن استام سۋ سورىپ الىندى ءارى بۇلارداعى سۋ دەڭگەيى 4 مەترگە دەيىن تومەندەدى. قازىرگى كەزدە بارلىق مورەندى كولدەر قىسقى رەجيمگە كوشتى، ماۋسىمدىق باقىلاۋ پوستىلارى الىندى.