18 قىركۇيەك كۇنى قازاق ۇلتتىق قىزدار پەداگوگيكالىق ۋنيۆەرسيتەتىندە الماتى قالاسى اكىمى اپپاراتىنىڭ تىلدەردى دامىتۋ جانە لاتىن گرافيكاسىنا كوشۋ ورتالىعى قازاق ءتىلى ءالىپبيىن لاتىن گرافيكاسىنا 2025 جىلعا دەيىن كەزەڭ-كەزەڭىمەن كوشىرۋ جونىندەگى ءىس-شارالار جوسپارىنا سايكەس "جاڭا لاتىن ءالىپبيىن ەنگىزۋدىڭ عىلىمي جانە ۇيىمداستىرۋشىلىق ماسەلەلەرى" تاقىرىبىندا سەمينار-كەڭەس وتكىزدى.
سەمينار-كەڭەستە ش.شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىنىڭ كەڭەسشىسى، «ءۇش بايلىق» ءقب-نىڭ باس ديرەكتورى، قوعام قايراتكەرى – اسانعازى ورازكۇل "قازاق ءتىلىنىڭ لاتىن گرافيكاسىنا كوشۋىنىڭ ومىرشەڭدىگى" تاقىرىبىندا بايانداما جاسادى.
سونىمەن قاتار، نۇر-مۇباراك ۋنيۆەرسيتەتىنىڭ دوسەنتى، PhD دوكتورى – قىدىربايەۆ قالدىباي "بەكىتىلگەن ءالىپبيدى جەتىلدىرۋگە قاتىستى ۇسىنىستار"، لاتىن ءالىپبيى جوباسىن ۇسىنۋشى، ماتەماتيك ۇستاز – ۆانوۆ قۋانتقان "ەملەمىزدەگى كەيبىر تۇيتكىلدى ماسەلەلەر"، اباي اتىنداعى قازاق ۇلتتىق پەداگوگيكالىق ۋنيۆەرسيتەتتىڭ پروفەسسورى، فيلولوگيا عىلىمدارىنىڭ دوكتورى – قالىباي قالامقاس "كىرمە سوزدەردى يگەرۋدىڭ تىلدىك مەحانيزمىن قالاي جوعالتتىق..."، قازاق ۇلتتىق قىزدار پەدوگوگيكالىق ۋنيۆەرسيتەتىنىڭ پروفەسسور، فيلولوگيا عىلىمدارىنىڭ دوكتورى – ەرمەكوۆا تىنىشتىق "لاتىن ءقارپىن وقىتۋدىڭ عىلىمي-ادىستەمەلىك نەگىزدەرى" اتتى تاقىرىپتارعا قاتىستى عىلىمي جۇمىستارمەن تانىستىردى.
سەمينار-كەڭەستىڭ سوڭىندا قاتىسۋشىلارعا مەملەكەتتىك ءتىل ساياساتىنا، تىلدەردى وقىتۋعا بايلانىستى ماتەريالدار تاراتىلادى جانە بەلگىلەنگەن ۇلگىدەگى سەرتيفيكات بەرىلەدى.
پىكىر قالدىرۋ