پاۆلودار وبلىسى باياناۋىل ۇلتتىق ساياباعىنىڭ اۋماعىندا الاپات ءورت شىقتى دەپ حابارلايدى Qamshy.kz اقپارات اگەنتتىگى.
بۇل توتەنشە جاعداي تۋرالى كۋاگەرلەر الەۋمەتتىك جەلىگە ۆيدەولار جاريالادى. Instagram جەلىسىندەگى ekibas_v_teme پاراقشاسىندا "ءورت كوپ اۋماقتى شارپىدى. ەلدى مەكەنگە جاقىنداپ كەلەدى. جەرگىلىكتى تۇرعىندار ەكىنشى تاۋلىك بويى ءوز كۇشىمەن ءورتتى ءسوندىرىپ جاتىر، الايدا جەل بار ەڭبەكتى زايا كەتىردى. كومەك كەرەك" دەلىنگەن جازبادا.
تاعى ءبىر پاراقشادا "500-دەن استام ادام ءورتتى ءسوندىرىپ جاتىر. 120 تەحنيكا جۇمىلدىرىلدى. ءورت اۋماعى شامامەن 2.5 گا" دەلىنگەن.
پوسموترەت ەتۋ پۋبليكاسيۋ ۆ Instagram
رەسمي مالىمەت بويىنشا، ءورت 22 قىركۇيەكتە كۇندىز شىققان. ورماندى القاپتا ءشوپ پەن اعاش ورتەنگەن. ءورت اۋماعى شامامەن 2،5 گەكتار. ءورت سوندىرۋگە 100 ادام مەن 10 بىرلىك تەحنيكا جۇمىلدىرىلعان.
"الاپات ءورت شىققانى تۋرالى پرەمەر-مينيستردىڭ ورىنباسارى رومان سكليارعا ايتىلدى. وقيعا ورنىنا پاۆلودار وبلىسىنىڭ اكىمى باردى. سونداي-اق، ءورت سوندىرۋگە ءتورت ارنايى تەحنيكا قوسىمشا جۇمىلدىرىلدى"، - دەدى وبلىستىق اكىمدىك باسپا ءسوز قىزمەتىنىڭ وكىلدەرى.
پىكىر قالدىرۋ