قالا اكىمىنىڭ وكىمىمەن الماتىنىڭ سيفرلاندىرۋ باسقارماسىنىڭ باسشىسى بولىپ بايان قوڭىربايەۆ تاعايىندىلدى، دەپ حابارلايدى اكىمدىكتىڭ باسپا ءسوز قىزمەتى.

ب. قوڭىربايەۆ 1986 جىلى 27 تامىزدا تۋىلعان. 2008 جىلى الماتىنىڭ ەنەرگەتيكا جانە بايلانىس ۋنيۆەرسيتەتىن بىتىرگەن. ول – سينحۋا ۋنيۆەرسيتەتى (جۇڭگو)، شۆەيساريانىڭ بيزنەس اكادەمياسى (شۆەيساريا)، ماسساچۋسەتc تەحنولوگيا ينستيتۋتى (اقش) سىندى شەتەلدىك جوعارى وقۋ ورىندارىنىڭ تۇلەگى.

ەڭبەك جولىن 2009 جىلى «سۇڭقار» مەديسينالىق كومپانياسىنىڭ قىتايداعى وكىلى بولىپ باستاعان. ءار جىلدارى قحر، اقش كومپانيالارىندا جۇمىس ىستەگەن.

2018 جىلدىڭ ماۋسىمىنان قازان ايىنا دەيىن «قازاتومونەركاسىپ» ۇاك» اقساتۋ دەپارتامەنتىنىڭ باس مەنەدجەرى قىزمەتىن اتقارعان.

2018 جىلدىڭ قازانىنان جاڭا تاعايىنداۋعا دەيىن «قازاتومونەركاسىپ» ۇاك» اق بيزنەس ترانسفورماسياسى دەپارتامەنتىنىڭ ديرەكتورى لاۋازىمىندا بولعان.

ەسكە سالساق، سيفرلاندىرۋ باسقارماسى الماتى اكىمى ب. ساعىنتايەۆتىڭ تاپسىرماسى بويىنشا قۇرىلىپ وتىر. جاڭا باسقارمانىڭ مىندەتى – اقىلدى قالانىڭ جاڭا جوبالارىن ەنگىزۋ، مەملەكەتتىك قىزمەتتى اۆتوماتتاندىرۋدى اياقتاۋ، الماتىدا يت-سەكتور ۇلەسىنىڭ ارتۋىنا جاعداي جاساۋ.