الماتىنى دامىتۋ ورتالىعى قالا اكىمدىگىنىڭ قولداۋىمەن Almaty SmartCity Challenge حاكاتون – قالالىق جارىس وتكىزەدى، دەپ جازادى قالالىق اكىمدىكتىڭ رەسمي سايتى.
الماتى اكىمدىگىنىڭ باسپا ءسوز ورتالىعىندا وتكەن بريفينگتە «الماتىنى دامىتۋ ورتالىعى» اق باسقارما ءتوراعاسىنىڭ ورىنباسارى ولەگ سەك اتالعان شارانىڭ بەلگىلى ءبىر سالا بويىنشا جاڭا يدەيانىڭ تۋىنداۋىنا جانە تۋرا سول ورتادا ونى جۇزەگە اسىرۋدى ىنتالاندىرۋعا ىقپال ەتەتىنىن حابارلادى.
حاكاتون فورماتىنىڭ باستى ەرەكشەلىگى – بىلىكتىلىگى مەن ماماندىعى ءتۇرلى جانداردىڭ باسىن قوسا وتىرىپ، مەنتورلاردىڭ، ياعني تالىمگەرلەردىڭ باسشىلىعىمەن جاڭا تاقىرىپتىق سالانى يگەرۋگە مۇمكىندىك بەرۋ.
جوبالار يدەيا،ىسكە اسىرۋ (ماكەت، ينتەرفەيس، فۋنكسيونالدىق)، سونىمەن قاتار وتكىزىلەتىن شارالار (تۇساۋكەسەر، سيپاتتاما، شىعىپ سويلەۋ) ارقىلى باعالانادى. نەگىزگى شارتى – جوبا تىكەلەي حاكاتوندا ازىرلەنىپ، قاتىسۋشىلاردىڭ بۇرىنعى جوبالارىن قايتالاماۋى جانە جالعاستىرماۋى ءتيىس.
شاراعا قاتىسۋشىلاردىڭ بارلىعى جاڭا سيفرلىق سەرۆيستەر مەن ونىمدەردى الماتى باسشىلىعى مەن ساراپشىلارعا كورسەتۋ، الماتىنىڭ قالانى دامىتۋ ورتالىعىنىڭ قولداۋى ارقىلى پيلوتتى جوبالاردى ىسكە اسىرۋ مەن ەنگىزۋ مۇمكىندىگە يە بولا الادى.
5-6 قازاندا Q-Lab (اباي داڭعىلى، 90) قالالىق جوبالار زەرتحاناسىندا باعدارلامالىق ونىمدەردىڭ وتاندىق جاساۋشىلارى جاڭا سيفرلىق سەرۆيستەر مەن ونىمدەر شىعارۋ ءۇشىن كوماندالارعا بىرىگەتىن بولادى. يدەيا مەن ونىڭ ءتۇپنۇسقاسىن جۇزەگە اسىرۋ ۋاقىتى – 24 ساعات.
18 قىركۇيەك پەن 3 قازان ارالىعىندا كوماندالار مەن جەكە قاتىسۋشىلاردان ءوتىنىش قابىلدانادى، سودان سوڭ كوماندا (كوماندانىڭ ءار مۇشەسى تىركەۋدەن ءوتۋى ءتيىس) جاساقتالادى. تىركەۋ فورماسى تولتىرىلعان سوڭ قاتىسۋشىلاردىڭ ەلەكتروندى مەكەنجايىنا قۇپتالعان حات جىبەرىلەدى. Q-Lab الاڭى بەيدج بويىنشا قولجەتىمدى.
حاكاتوننىڭ ءبىرىنشى كۇنى كوماندالار جاساقتالادى، پيچينگ يدەيالار تۇسىندىرىلەدى، تالىمگەرلەرمەن، قۇرامىندا ساراپشىلار، كاسىپكەرلەر مەن وتاندىق كومپانيالار باسشىلارى بار جيۋري مۇشەلەرىمەن تانىستىق باستالادى. جارىسقا قاتىسۋشىلارعا مىنا تاقىرىپتار بويىنشا: ەكولوگيا، ترافيك جانە كەپتەلىس، كرەاتيۆتى ەكونوميكا، مەديسينا، قاۋىپسىزدىك، قوعامدىق كولىك، ءبىلىم، تۇكش تاپسىرما بەرىلەدى.
حاكاتون جەڭىمپازدارىنا اقشالاي سىيلىقتار بەرىلەدى: ءبىرىنشى ورىن – 1،5 ملن تەڭگە، ەكىنشى ورىن – 1 ملن تەڭگە، ءۇشىنشى ورىن – 500 مىڭ تەڭگە.
سوڭعى كۇنى كوماندالار جيۋريگە ءوز ءتۇپنۇسقالارىن ۇسىنادى.
Almaty SmartCity Challenge قالاي قاتىسۋعا بولادى:
- كانال @almatyhackathon-داعى جاڭالىقتاردى قاراعان ءجون.
- ءۇشىنشى قازاندا تۇنگى ساعات 23.00-گە دەيىنhttps://hackathon.smartalmaty.kz. جەكە تىركەلۋدەن ءوتۋ قاجەت.
- جەكە تىركەلۋدەن ويداعىداي وتكەن سوڭ 2-دەن 5 ادامعا دەيىن كوماندانى جاساقتاۋ كەرەك.
جالپى سۇراقتار بويىنشا: hackathon@almatydc.kz، +7 (727) 224 39 29 (ىشكى 116، 126، 125).
دەمەۋشىلىك كورسەتۋ بويىنشا: b.shadayev@almatydc.kz.
