ەلوردادا ميتينگكە شىققان ادامداردىڭ ارەكەتى زاڭسىز. ويتكەنى بۇل شەرۋگە اكىمدىك رۇقسات بەرمەگەن. وسى سەبەپتى قوعام تىنىشتىعىن بۇزعانداردىڭ كەيبىرى ۇستالدى. جەرگىلىكتى بيلىك وكىلدەرى وسىلاي دەيدى. سونىمەن كوشەدە شۋ كوتەرگەندەردىڭ كوكسەگەندەرى نە؟ تالاپتارى ورىندى ما؟

كوشەگە شىعىپ ۇرانداتقانداردىڭ دەنى ايەلدەر. تالاپتارى – «باس قالادان باسپانا بەرىڭدەر!» ءبىراق بۇل زاڭسىز ەمەس پە؟! ويلاڭىزشى، بىرەۋلەر بىرنەشە جىلداپ ءۇي كەزەگىندە تۇرادى. ال شەرۋلەتىپ، شۋلاعاندار پاتەرگە يە بولا قالادى دەپ جازادى Qamshy.kz اقپارات اگەنتتىگى 24.kz سايتىنىڭ دەرەگىن نەگىزگە الىپ. 

مىسالى، بۇل ءبىر ەمەس، ءتورت بالانى تاربيەلەپ وتىرعان انا. ۇلىنىڭ مۇمكىندىگى شەكتەۋلى. وتباسىندا جەتى ادام. سول جەتەۋدىڭ ءبارى كولەمى نەبارى 13 شارشى مەتر بولاتىن مىنا بولمەنى جالداپ تۇرىپ جاتىر. 13 جىلدان بەرى ءۇي كەزەگىندە. ەندى كوشەدە شەرۋلەتكەندەرگە كەزەكتەن تىس باسپانا بەرىلە سالسا، ادىلدىك بولا ما؟ 

بايان ادياروۆا قالا تۇرعىنى:

— 15 ايەل مىسالى ميتينگكە شىعىپ، ولار ءۇي سۇراپ جاتىر. ءبىز سياقتى ولاردا وچەرەدكە تۇرسىن. ول زاڭسىز عوي. ءبىزدىڭ الدىمىزدان اتتاپ ءۇي الىپ كەتەتىن بولسا. ءبىز دە مىنە 13 جىلدان بەرى كۇتىپ وتىرمىز. 

مىنانى قاراڭىز، وسى كەزگە دەيىن كوشەگە شىعىپ تەگىن باسپانا تالاپ ەتكەندەردىڭ دەنى تىزىمدە بولماي شىققان. ياعني ءۇيدى كەزەكتەن تىس سۇراعاندارى عوي. قيت ەتسە «شەرۋگە شىعۋ» دەگەن داعدىعا اينالىپ بارا جاتقان جوق پا؟ ابايشا ايتساق، قۇر ايعاي باقىرعان، قۇلاققا ءان بە ەكەن؟ ءتىپتى بيلىكتەن باسپانا سۇراعانداردىڭ باسىم كوپشىلىگى ەڭبەك ەتۋگە دە قۇلىقسىز.  ۇسىنعان جۇمىستى ىستەگىلەرى جوق. 

راۋشان سارسەنبايەۆا قازاقستاننىڭ ىسكەر ايەلدەرى قاۋىمداستىعىنىڭ پرەزيدەنتى:

— الماتى قالاسى بويىنشا ءبىز 120 جۇمىس ورنىن ۇسىندىق. نۇر-سۇلتان قالاسىندا دا ەڭبەك كۇشى جەتىسپەيتىن كاسىپورىنداردىڭ ءتىزىمىن جاسادىق. ەلوردادا 16 ايەل عانا جازىلدى. سونىڭ تەك 3ء-ۋى جۇمىس ىستەۋگە كەلدى.  بۇگىندە باس قالادا ۇزىن ىرعاسى 47 مىڭنان اسا ادام باسپانا كەزەگىندە تۇر. مۇنىڭ 3800ء-ى كوپ بالالى وتباسى. بۇل ساناتتاعى جانۇيالارعا پاتەر ءبىرىنشى كەزەكتە بەرىلەدى. جالپى حالىقتىڭ ءۇي الۋى ءۇشىن ءقازىر بىرنەشە جاڭا باعدارلاما جۇمىس ىستەيدى.  

ارماناي قابدەشوۆا قالالىق اكىمدىك جانىنداعى «تۇرعىن ءۇي قورىنىڭ»  باسپا ءسوز حاتشىسى:  

— ونىڭ ىشىندە بەرەكەلى باسپانا باعدارلاماسى. جانە دە باقىتتى وتباسى. 2 پايىزدىق نەسيەمەن بەرىلەدى. بۇلار كوپ بالالى وتباسىلار، تولىق ەمەس وتباسىلارعا، مۇگەدەك بالاسى بار وتباسىلارعا ارنالعان.  ال ميتينگكە شىققان انالار نەگە ءۇي كەزەگىنە تۇرمايدى دەيسىز عوي. سويتسە ولاردىڭ كەيبىرىندە پاتەر بار ەكەنى انىقتالعان. نەمەسە ەلورداعا كوشىپ كەلگەنىنە ءۇش جىل دا تولماعان. ايتپەسە كەزەكتە تۇرعان وتباسىلار باسپاناعا يە بولىپ جاتىر.

ايتالىق، وسى كەزگە دەيىن تەك «بەرەكەلى باسپانا» باعدارلاماسى ارقىلى 298 پاتەردىڭ كىلتى تابىستالىپ، باقىتتى وتباسى جوباسىمەن 2 مىڭنان اسا ازاماتقا جولداما بەرىلگەن.