ق ر پرەزيدەنتى قاسىم-جومارت توقايەۆ ۋكراينا پرەزيدەنتى ۆلاديمير زەلەنسكييمەن كەزدەستى، دەپ حابارلايدى Qamshy.kz اقپارات اگەنتتىگى اقوردانىڭ دەرەگىن نەگىزگە الىپ.
كەزدەسۋ بارىسىندا قاسىم-جومارت توقايەۆ پەن ۆلاديمير زەلەنسكيي ءبىرىن-بىرى ءوز مەملەكەتتەرىندەگى ەڭ جوعارعى لاۋازىمعا سايلانۋلارىمەن قۇتتىقتادى.
مەملەكەت باسشىسى ەكى ەل اراسىنداعى تاريحي تامىرلاستىق پەن ورتاق بولاشاق جايىن اتاپ ءوتتى. قاسىم-جومارت توقايەۆ ۋكراينامەن اراداعى ساياسي جانە ساۋدا-ەكونوميكالىق ىنتىماقتاستىقتى ودان ءارى دامىتۋعا دايىن ەكەنىن، ول ءۇشىن الەۋەتتەرىنىڭ زور ەكەنىن ايتتى.
كەزدەسۋ سوڭىندا قاسىم-جومارت توقايەۆ پەن ۆلاديمير زەلەنسكيي ءبىر-بىرىن ءوز مەملەكەتتەرىنە شاقىردى.
پىكىر قالدىرۋ