قالا اكىمى باقىتجان ساعىنتايەۆ عىلىم جانە شىعارماشىلىقپەن اينالىساتىن زيالى قاۋىم وكىلدەرىمەن كەزدەستى، دەپ حابارلايدى قالالىق اكىمدىكتىڭ باسپا ءسوز قىزمەتى.
قالا اكىمىمەن كەزدەسۋگە جازۋشى سوفى سماتايەۆ، اكادەميك سەرىك قيرابايەۆ، اكتەر تۇڭعىشباي جامانقۇلوۆ، اقىن يران-عايىپ ورازبايەۆ قاتىستى. ولار زاماناۋي ادەبيەتتىڭ قازىرگى جاعدايى، قازاقستاندىق جازۋشىلاردىڭ ادەبي مۇرالارىن عىلىمي تۇرعىدا زەرتتەۋ، تەاتر ونەرىن دامىتۋ ماسەلەلەرىن كوتەردى.
سونىمەن قاتار، كەزدەسۋدە ادەبيەتتىڭ، تەاتر مەن كينونىڭ وسكەلەڭ جاس ۇرپاقتى تاربيەلەۋدەگى ءرولى جانە شىعارماشىلىقتىڭ قالانىڭ مادەني جانە رۋحاني ومىرىندەگى ەرەكشە ورنى تۋرالى ءسوز بولدى.
ەسكە سالساق، بۇرىندارى جازۋشىلار وداعىندا باقىتجان ساعىنتايەۆ قولداۋ شارالارى تۋرالى ايتقان ەدى. ونىڭ تاپسىرماسى بويىنشا جازۋشىلار ءۇيى جوندەلەدى، قالىپتاسقان جانە جاس جازۋشىلار ءۇشىن ارنايى گرانتتار بەكىتىلەتىن بولادى.
قالا اكىمىنىڭ باستاماسى بويىنشا ادەبي بايقاۋ، ەلباسىنىڭ «ۇلى دالانىڭ جەتى قىرى» باعدارلامالىق ماقالاسى اياسىندا ۇزدىك سەناريي كونكۋرسى ۇيىمداستىرىلادى. جەڭىمپازدار وزدەرىنىڭ شىعارماشىلىق يدەيالارىن قالا تەاترلارىنىڭ ساحنالارىندا كورسەتە الادى. بۇلاردان وزگە، اۋدانداردا جاستار دەمالىسىنىڭ ورتالىعىنا اينالاتىن جاڭا فورماتتاعى كىتاپحانالار اشىلادى.
پىكىر قالدىرۋ