كايدزەن پرينسيپتەرىمەن تازارتۋ بەلگىلى ءبىر ناتيجە بەرۋى كەرەك. بولمە كوبىرەك بولۋى كەرەك، كۇندەلىكتى جۇمىس وڭاي بولادى، ال ءۇيدى تازا ۇستاۋ تابيعي ادەتكە اينالادى.ءۇيدى تازا ۇستاۋعا جاپوندىق كايدزەن جۇيەسى قانداي كەڭەس بەرەدى؟ ءۇيدى تازالاۋدىڭ نەگىزگى ماقساتى تازالاۋ، جيناۋ، جۋۋ ەمەس، كەز كەلگەني ۋاقىتتا ءۇيدىڭ ىشىندەگى جيھازدار ىڭعايلى ورنالاسقان ءارى تازا بولىپ تۇرۋى قاجەت. Qamshy.kz اقپارات اگەنتتىگى ءۇيدى جيناقى ءارى تازا ۇستاۋعا ارنالعان كايدزەن جۇيەسىنىڭ نەگىزگى قاعيدالارىن وقىرمان نازارىنا ۇسىنادى.
سۇرىپتاۋ
بۇل زاتتاردى قاجەت جانە قاجەت ەمەس دەپ ناقتى ءبولۋ، ال سوڭعىسىن تەز ارادا جويۋ كەرەك. ەڭ ءبىرىنشى بولمەنىڭ ورتاسىن بوساتىڭىز، ياعني بوس ورىن قالدىرىڭىز. بۇل بوس ورىنعا ورىن اۋىستىرۋدى قاجەت ەتەتىن زاتتاردى جينايسىز. ءسىز سول جەردە جۇمىس ىستەيتىندىگىڭىزدى ۇمىتپاڭىز. ەگەر بۇل جۇمىس ۇستەلى بولسا، ورىندىققا وتىرىڭىز. ەگەر بۇل گاردەروب بولسا، اينا الدىندا تۇرىڭىز. ءبىراق زاتتاردى سۇرىپتاماس بۇرىن بىرنەشە سۇراققا جاۋاپ بەرىڭىز.
1. بۇل زات ماعان قانشالىقتى قاجەت؟
2. بۇل زات وسى جەرگە قويسام بولا ما؟ دۇرىس ورىندا تۇر ما؟
3. مەن بۇل زاتتى قانشالىقتى ءجيى قولدانامىن؟
4. سوڭعى رەت بۇل زاتتى قاشان پايدالاندىم؟
ءجيى قولداناتىن زاتتاردى كوزگە كورىنەتىن، ىڭعايلى جەرگە قويىڭىز. سونداي-اق بۇل زاتتاردى سارى ستيكەرمەن بەلگىلەپ قويىڭىز. ال كەي كەزدە قولداناتىن زاتتاردى جاسىل بەلگىلەڭىز. ال مۇلدەم قولدانبايتىن، قاجەتسىز زاتتاردان باس تارتىڭىز. قاجەتسىز زاتتاردى جيناۋ قوقىس جيناۋمەن بىردەي.
زاتتاردى ۇنەمى ءوز ورنىنا قويۋ
ءار زاتتىڭ ءوز ورنى بولۋ قاجەت. ياعني پايدالانىپ بولعان سوڭ زاتتاردى ءوز ورنىنا قويۋدى ۇمىتپاڭىز. بۇل ءۇيدىڭ ۇنەمى تازا ءارى جيناقى بولۋىنا كومەكتەسەدى. ارينە باستاپقى ۋاقىتتا قينالۋىڭىز مۇمكىن. ءبىراق شىدامدىلىق تانىتىڭىز. ءبارى بىردەن بولىپ كەتپەيدى. كۇن وتكەن سايىن بۇل قاعيدالار ادەتكە اينالۋى مۇمكىن. تەك ءبارىن رەت-رەتىمەن، ءوز ورنىنا قويىپ جۇرسەڭىز بولدى. سول كەزدە ءۇيدى جيناعان ۋاقىتتى كوپ ۋاقىت جوعالتپايسىز.
ءۇي ءىشىن ءبار عانا ادام تازا ۇستاي المايدى
ءۇي ءىشىن تازا ۇستاۋ ۇيدەگى بارلىق ادامعا مىندەت بولۋى كەرەك. سەبەبى ءۇيدى ءبىر عانا ادام تازا ۇستاي المايدى. بۇل مۇمكىن ەمەس. سول سەبەپتى ۇيدەگى ءار ادام ەڭ بولماعاندا پايدالانعان زاتىن ءوز ورنىنا قويۋدى ۇيرەنسە ءۇيد ىشىندەگى رەتتىلىك ساقتالاتىن ەدى. ۇيدەگى كىشكەنتاي بالالاردى دا تازالىق پەن تارتىپكە ۇيرەتۋ كەرەك. ارينە ايعاي-شۋمەن ەمەس. بۇلاي ەشقاشان ۇيرەتە المايسىز. مىسالى ويىنشىقتارىن جيناعان بالالاردى ءتاتتى بەرۋ ارقىلى قۋانتۋعا بولادى. كەيىن وسىلاي ولار تازالىق پەن تارتىپكە ۇيرەنەدى.
ءۇي ءىشىن ءبىر اپتا بويى شاشىپ، ءبىر كۇننىڭ ىشىندە جيناۋ ەڭ قاتە ۇعىم. سەبەبى ۇيگە كەز كەلگەن ۋاقىتتا قوناق كەلۋى مۇمكىن. سول سەبەپتى جوعارىداعى قاعيدالاردى ۇستانساڭىز ءۇيىڭىز كۇندە تازا ءارى جيناقى بولىپ تۇرادى.
