ءبىرىنشى جارتىلاي ورتا سالماقتا سىنعا تۇسەتىن قازاقستاندىق بوكسشى باتىر جۇكەمبايەۆ مەكسيكالىق ميگەل ۆاسكەستى جەڭدى دەپ حابارلايدى Qamshy.kz اقپارات اگەنتتىگى.
جەكپە-جەك كانادانىڭ مونرەال قالاسىنداعى ۇلكەن بوكس كەشىندە ءوتتى. بوكسشىلار WBA Continental جانە IBF Inter-Continental تيتۋلدارىن ساراپقا سالعان.
جۇكەمبايەۆ - ۆاسكەس جەكپە-جەگى جوسپارلانعان 10 راۋندقا سوزىلدى. ناتيجەسىندە تورەشىلەردىڭ بارلىعى جەڭىستى (100:90، 99:91، 99:91) جۇكەمبايەۆقا بەردى.
28 جاستاعى جۇكەمبايەۆ كاسىپقوي رينگتە ءالى جەڭىلمەگەن سپورتشى. ول 17 جەكپە-جەگىنىڭ 13ء-ىن مەرزىمىنەن بۇرىن اياقتاپ، جەڭىسە جەتكەن.
ال بۇعان دەيىن 41 جەڭىسى بولعان 32 جاستاعى ۆاسكەس توعىزىنشى رەت جەڭىلىپ وتىر.
پىكىر قالدىرۋ