ق ر ۇكىمەتىنىڭ قاۋلىسىمەن ەرلان اۋكەنوۆ قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ۆيسە-مينيسترى قىزمەتىنە تاعايىندالدى. بۇعان دەيىن اتالعان لاۋازىمدى اتقارعان سۆەتلانا جاقىپوۆا بەرگەن وتىنىشىنە سايكەس، ءوز قالاۋى بويىنشا قىزمەتىنەن بوساتىلدى دەپ حابارلايدى Qamshy.kz اقپارات اگەنتتىگى ۇكىمەت باسپا ءسوز قىزمەتىنە سىلتەمە جاساپ.
ەرلان مۇرات ۇلى اۋكەنوۆ 1984 جىلى 5 قىركۇيەكتە الماتى قالاسىندا تۋعان. ءال-فارابي اتىنداعى قازاق ۇلتتىق ۋنيۆەرسيتەتىن، "بولاشاق" باعدارلاماسى بويىنشا برەدفورد ۋنيۆەرسيتەتىن، حالىقارالىق بيزنەس اكادەمياسىن، لوندون ەكونوميكا جانە ساياسي عىلىمدار مەكتەبىن ءتامامداعان.
ءتۇرلى جىلدارى ق ر ءبىلىم جانە عىلىم مينيسترلىگىندە، "XXI عاسىر كوشباسشىسى" جاستار ورتالىعى" رقب، "قازاقستان جاستارىنىڭ كونگرەسى" زتب، "سامعاۋ" ۇلتتىق عىلىمي-تەحنولوگيالىق حولدينگi" اق ەڭبەك ەتكەن.
2010-2011 جىلدارى - شىعىس قازاقستان وبلىسى اكىمىنىڭ اپپاراتى باسشىسىنىڭ ورىنباسارى؛ 2011-2014 جىلدارى - ق ر پرەزيدەنتى اكىمشىلىگىنىڭ مەملەكەتتىك ينسپەكتورى؛ 2014-2015 جىلدارى - سولتۇستىك قازاقستان وبلىسى اكىمىنىڭ ورىنباسارى قىزمەتتەرىن اتقاردى. 2015-2019 جىلدارى الماتى قالاسى اكىمىنىڭ ورىنباسارى لاۋازىمىن اتقاردى، الەۋمەتتىك ءال-اۋقات ماسەلەسى بويىنشا جەتەكشىلىك ەتكەن.
پىكىر قالدىرۋ