الماتى اكىمدىگىنىڭ باسپا ءسوز ورتالىعىندا ەنەرگوتيىمدىلىك جانە ينفراقۇرىلىمدىق دامۋ باسقارماسىنىڭ باسشىسى اسەت ماسابايەۆ قالانىڭ ەنەرگوكەشەنىنىڭ الداعى جىلۋ ماۋسىمىنا دايىن ەكەنىن ايتتى، دەپ حابارلايدى قالالىق اكىمدىكتىڭ باسپا ءسوز قىزمەتى.

ول ءوزىنىڭ سوزىندە الماتى قالاسى شارۋاشىلىق كەشەندەرىنىڭ الداعى جىلۋ ماۋسىمىنا دايىندىعى بەلگىلەنگەن كەستە بويىنشا ءجۇرىپ جاتقانىن جەتكىزدى.

قالانىڭ بارلىق ەنەرگوكەشەنىنە اعىمداعى جوندەۋ جۇمىستارىن جۇرگىزۋگە 20 ميللياردقا جۋىق تەڭگە جۇمسالدى.

بيىلعى جىلدىڭ 27 قىركۇيەكتەگى جاعدايى بويىنشا ەنەرگوكەشەننىڭ جالپى دايىندىعى 100%-دى قۇرايدى، ونىڭ ىشىندە:

- جىلۋ جەلىلەرى – 100% (1222 كم)؛

- ەلەكتر جەلىلەرى – 100% (7642 كم)؛

- گاز جەلىلەرى – 100% (5095 كم)؛

- «الماتى سۋ» مقك سۋمەن قامتۋ جەلىلەرىنىڭ دايىندىعى – 100% (3183 كم)؛

- ءبىلىم جانە دەنساۋلىق ساقتاۋ وبەكتىلەرى اۆتونومدى قازاندىقتارىنىڭ دايىندىعى – 100% (ءبىلىم – 50 نىسان، دەنساۋلىق ساقتاۋ – 16 وبەكت)، «الماتىجىلۋكوممۋنەنەرگو» ج ش س قازاندىقتارىنىڭ دايىندىعى – 100% (79 قازاندىق بىرلىگى).

- اۆتونومدى قازاندىقتارداعى وتىن قورى – 100% (ءبىلىم – 2ء-ى كومىرمەن جانادى،50 توننا كومىر، 14ء-ى ديزەلمەن جىلىتادى، 3600 توننا، 34ء-ى گازبەن ىسىتادى؛ دەنساۋلىق ساقتاۋ – 2ء-ى ديز. وتىن، 70 توننا، 14ء-ى گازبەن جىليدى)، اتكە كومىردىڭ دايىندىعى – 100% (110 توننا) مازۋت، 103% (جوسپارداعى 8،2 توننا ورنىنا 8،5 توننا). الداعى جىلۋ ماۋسىمىنا دايىندىق پاسپورتى 2019 جىلدىڭ 11 قىركۇيەگىندە الىندى.

- «الماتى ەلەكتر ستانسيالارى» اق قوندىرعىلارىنىڭ دايىندىعى – 100% (71 قوندىرعى بىرلىگى). دايىندىق پاسپورتى 2019 جىلدىڭ 6 قىركۇيەگىندە قازاقستان رەسپۋبليكاسى ەنەرگەتيكا مينيسترلىگى اتومدىق جانە ەنەرگەتيكالىق قاداعالاۋ مەن باقىلاۋ كوميتەتىنەن الىنعان.

الەس-ىنداعى وتىننىڭ ءنورماتيۆتى قورى – كومىر 123% (جوسپارداعى 211 مىڭ توننا ورنىنا 237مىڭ توننا) جانە مازۋت 119% (جوسپارداعى 21 مىڭ توننا ورنىنا 25 مىڭ توننا).

- ءبىلىم وبەكتىلەرىنىڭ دايىندىعى – 100% (444 وبەكتىلەر بىرلىگى)؛

- دەنساۋلىق ساقتاۋ وبەكتىلەرىنىڭ دايىندىعى – 100% (78 وبەكتىلەر بىرلىگى)

-كوپقاباتتى ۇيلەردىڭ دايىندىعى  – 100% (7717 كقتۇ).

2019 جىلى 9 بازاداعى كومىردىڭ جوسپارلانعان قورى 245 مىڭ توننا ەكەنى تۇرعىندارعا الدىن الا حابارلاندى. 2019 جىلدىڭ 25 قىركۇيەگىندە بازالارداعى ناقتىلى وتىن قورى – 17،5 مىڭ توننا.

ايتا كەتەرلىگى، قالادا جىل ىشىندە ورتا ەسەپپەن 50 مىڭ توننا كومىر جاعىلادى.قالعان وتىن (195 مىڭ توننا، بۇل جالپى كولەمنىڭ 80%-ى) الماتى وبلىسىنا (ىلە، قاراساي، ەڭبەكشىقازاق اۋداندارى) جىبەرىلەدى.

بريفينگ بارىسىندا دەبيتورلىق قارىز تۋرالى دا ايتىلدى. بيىلعى جىلدىڭ 25 قىركۇيەگىندە كوممۋنالدىق قىزمەت ءۇشىن دەبيتورلىق قارىز 2،6 ملرد تەڭگەنى قۇراپ وتىر، ونىڭ ىشىندە: 1،75 ملرد تەڭگە (67%) – جىلۋ مەن ىستىق سۋدىڭ قارىزى، 226 ملن تەڭگە (9%) – سۋىق سۋ مەن كارىزدىڭ قارىزى، 446 ملن تەڭگە (18%) – ەلەكتر جارىعىنىڭ قارىزى جانە 170 ملن تەڭگە (7%) گازعا تولەنەتىن قارىز.

جىل باسىنان بەرى قاراي جەكە سوت ورىنداۋشىلارىنا جالپى قۇنى 1،164 ملن. تەڭگە بولاتىن 4،8 سوت شەشىمى بەرىلگەن ەدى، ولاردىڭ قۇنى 137 ملن. تەڭگە بولاتىن 1،2 مىڭ تالاپ (يسك) قاناعاتتاندىرىلدى.