مەدەۋ اۋدانىنىڭ اكىمى سۇلتانبەك ماكەجانوۆ الماتى اكىمدىگىنىڭ باسپا ءسوز ورتالىعىندا وتكەن بريفينگتە الماتى اكىمى ب. ساعىنتايەۆتىڭ تۇرعىندارىمەن كەزدەسۋ كەزىندە تۇسكەن وتىنىشتەرمەن اۋداندا جۇمىستىڭ قالاي جاسالىپ جاتقانىن ايتىپ بەردى، دەپ جازادى almaty.gov.kz سايتى.

جالپى كەزدەسۋ بارىسىندا 79 سۇراق قويىلدى، ولاردىڭ. 10-ى شەشىلدى، 24ء-ى ءتۇسىندىرىلدى، 45ء-ى جۇمىس ۇستىندە.

اۋدان اكىمى يبراگيموۆ كوشەسىنىڭ اباتتاندىرىلعانىن، الاتاۋ ىقشاماۋدانىندا بالالار الاڭى مەن «ارداگەرلەر» اللەياسىنىڭ اشىلعانىن، ۇاك بويىنداعى الاتاۋ ىقشاماۋدانىنىڭ كىرە بەرىسىنە باعدارشامنىڭ ورناتىلعانىن ايتتى.

«كوكبازار» ماڭىندا ستيحيالى ساۋدانى جويۋ ءۇشىن (ماقاتايەۆ كوشەسى بويىنداعى «تۇركىستان» ءسۇ-نىڭ الدىنا، «كوكبازاردىڭ» الدىنا) پوليسيانىڭ 2 كۇزەت پۋنكتى قويىلدى. مونيتورينگ بويىنشا ۆەدومستۆوارالىق جۇمىسشى توبى قۇرىلدى.

الەۋمەتتىك جاۋاپكەرشىلىك اياسىندا تاۋلى قىرات ىقشام اۋدانىنداعى تايمانوۆ كوشەسىنە فۋتبول جانە ۆوركاۋت الاڭدارىن جاساۋ بويىنشا جۇمىستار جۇرگىزىلدى.

الماتى قالاسى اكىمىنىڭ تاپسىرماسى بويىنشا گورنايا كوشەسىندەگى ۇيلەر تەكسەرىلدى، مۇنداعى 35 ۇيدە 165 ادام تۇرادى. تەكسەرۋ بارىسىندا 18 ءۇيدىڭ (تۇرعىندار سانى 50 ادامعا جۋىق) توپىراق كوشكىنىنە ۇرىنۋى مۇمكىن ەكەنى انىقتالدى. شىعىس بەتكەيدەگى 6 جانە سولتۇستىك بەتكەيدەگى 4 ءۇي ءقاۋىپتى ايماقتا ورنالاسقان. 10 ۇيگە قالپىنا كەلتىرۋ جۇمىستارى جۇرگىزىلەدى. قالعان ۇيلەر جوندەۋدى قاجەت ەتپەيدى.

«الماتى اكىمى ايتقان «شەتسىز قالا» قاعيداسىنا سايكەس ءبىزدىڭ الدىمىزدا اۋداندى بولاشاقتا دامىتۋ مىندەتى تۇر: بۇلار اق قايىڭ، كولساي، سۇلۋساي، الاتاۋ، بۋتاكوۆكا ىقشام اۋداندارى مەن كامەنسك قىراتى ەلدى مەكەنى. اتالعان ىقشام اۋدانداردا جول، سۋمەن قامتيتىن جانە سۋدى بولەتىن قۇبىرىلاردى سالۋ، الەۋمەتتىك ماڭىزى بار ءبىلىم (مەكتەپتەر، بالا باقشالار، ميني ورتالىقتار) جانە مەديسينالىق مەكەمەلەردى (فاپ-تار)، دەنەشىنىقتىرۋ-سپورت كەشەندەرىن،پارك ايماقتارىن جانە پوليسيانىڭ كۇزەت پۋنكتتەرىن اشۋ قاجەت»، – دەدى اۋدان اكىمى.

پوليسيانىڭ كۇزەت پۋنكتتەرىنە كەلەتىن بولساق، نىساندى جالعا الۋ كەلىسىمىن جاساي وتىرىپ، سۇلۋساي، كەڭساي، اق قايىڭ جانە كەڭساي ىقشام اۋداندارىندا 5 پۋنكت اشۋ ۇسىنىلدى. كولساي، اق قايىڭ ىقشام اۋداندارىندا فەلدشەرلىك-امبۋلاتوريالىق پۋنكتتەر، سونىمەن قاتار دۋمان ەلدىمەكەنىندە قوسىمشا وسىنداي دارىگەرلىك پۋنكت اشىلادى.

«شەتسىز قالا، شەكاراسىز مەديسينا» قاعيداسى بويىنشا تامىز-قىركۇيەك ايلارىندا كەڭساي مەن كامەنسك قىراتىندا دارىگەرلىك امبۋلاتوريالار اشىلدى.

وقۋشى ورىندارىنىڭ تاپشىلىعىن شەشۋ بويىنشا دۋمان ەلدى مەكەنىندەگى № 172 مەكتەپ جانىنان 850 ورىندى قوسالقى نىسان سالىنۋدا. ونىڭ قۇرىلىسى 2020 جىلدىڭ ناۋرىز اينىدا اياقتالادى.

سونىمەن قاتار، جايلى قالالىق ورتا باسقارماسىمەن بىرگە الاتاۋ ىقشام اۋدانىنداعى № 7 مەكتەپتىڭ عيماراتىن سەيسميكالىق كۇشەيتۋ، قالپىنا كەلتىرۋ جانە كۇردەلى جوندەۋدەن وتكىزۋ بويىنشا جوبا ازىرلەنگەن ەدى. قازىرگى كەزدە ءوتىنىش قابىلداندى، ءىس 2020 جىلى قولعا الىناتىن بولادى.