الماتى اكىمدىگىنىڭ باسپا ءسوز ورتالىعىندا وتكەن بريفينگتە مەدەۋ اۋدانىنىڭ اكىمى سۇلتانبەك ماكەجانوۆ ينجەنەرلىك جەلىلەردى سالۋ جانە ايماقتى اباتتاندىرۋ تۋرالى ايتتى، دەپ حابارلايدى almaty.gov.kz سايتى.

مىسالى، اۋداندا جالپى جاياۋ جۇرگىنشى ايماعى 5،8 كم بولاتىن دوستىق داڭعىلى مەن ايتەكە بي كوشەسى جوندەلۋدە.

اۋدانداعى 118 ءۇيدىڭ 52 اۋلاسىن اباتتاندىرۋ بويىنشا جۇمىستار جۇرۋدە. كەلەر جىلى 18 اۋلاعا كۇردەلى، 30 اۋلاعا اعىمداعى جوندەۋ جۇمىستارىن جۇرگىزۋ جوسپارلانعان.

تۇرعىن ۇيلەردى مودەرنيزاسيالاۋ اياقتالدى – 17 ءۇيدىڭ ليفتتەرى اۋىستىرىلدى، 17 ۇيگە كۇردەلى جوندەۋ جۇرگىزىلدى، شاتىرى مەن ينجەنەرلىك جەلىلەرى جاڭاردى.

ۇزىندىعى 2 كم بولاتىن ەسەنتاي وزەنىنىڭ جاعاسىن رەكونسترۋكسيالاۋ مەن اباتتاندىرۋ اياقتالىپ قالدى. «تەرىسبۇلاق» وزەنىنىڭ جاعالاۋى جوندەلۋدە. سۇلۋساي ىقشاماۋدانىنىڭ جولدارىنا كۇردەلى جوندەۋ جۇرگىزىلۋدە.

بۇلاردان وزگە، دۋمان ىقشاماۋدانىندا جالپى ۇزىندىعى 45 كم بولاتىن سۋمەن قامتيتىن جانە سۋ بولەتىن ينجەنەرلىك جەلىلەر تارتىلۋدا. ۇزىندىعى 5،8 كم بولاتىن 12 كوشەگە سۋ جەلىلەرى تارتىلۋدا، 2،5 كم قۇبىرلار جۇرگىزىلدى.