بۇل تۋرالى مەدەۋ اۋدانىنىڭ اكىمى سۇلتانبەك ماكەجانوۆ قالا اكىمدىگىنىڭ باسپا ءسوز ورتالىعىندا وتكەن بريفينگتە حابارلادى، دەپ جازادى almaty.gov.kz.

نەگىزگى كاپيتالعا جۇمسالعان ينۆەستيسيا كولەمى 99،8 ملرد تەڭگە نەمەسە قالالىق كورسەتكىشتىڭ 25%. سىرتقى ينۆەستيسيا كولەمى 25،4 ملرد تەڭگە نەمەسە قالالىق كورسەتكىشتىڭ 46%.

«مۇنداي ەكونوميكالىق كورسەتكىشتەرگە بەلسەندى كاسىپكەرلەردىڭ ارقاسىندا قول جەتتى، ياعني اۋداندا ءشوب-تىڭ 12 مىڭعا جۋىق سۋبەكتىسى بار، ولاردا 150 مىڭنان استام ادام جۇمىس ىستەيدى. قازىرگى كەزدە اۋداندا قالىپتاسقان جايلى ينۆەستيسيالىق احۋال بارىسىندا جالپى سوماسى 300 ملرد تەڭگەگە جۋىق جەكە ينۆەستيسيا 28 ءىرى نىساندى سالۋعا مۇمكىندىك بەرەدى، سونىڭ ارقاسىندا مىڭنان استام تۇراقتى جاڭا جۇمىس ورىندارى اشىلاتىن بولادى»، –  دەپ اتاپ ءوتتى اۋدان اكىمى.

اۋدان اكىمىنىڭ ءسوزى بويىنشا، 14 تۇرعىن كەشەنىندە 983 مىڭ كۆ. م. شارشى مەترلى 85 ءۇيدىڭ (7100 پاتەر) قۇرىلىسى جۇرۋدە. سونىمەن قاتار، 4 حالىقارالىق ءبىلىم نىسانى – «سامال-3» ىقشاماۋدانىنداعى 800 ورىندى «سامال ءبىلىم» مەكتەبى، شااج 540 ورىندى فين-امەريكاندىق مەكتەپ، «سابيس» حالىقارالىق مەكتەبى. تاۋلى قىرات ىقشاماۋدانىنداعى مۋزىكا مەكتەبىنىڭ جوباسى جاسالۋدا.

بۇدان وزگە، قۇلجا تراسساسى بويىنداعى «لەرۋا مەرلەن»، «ەۋرازيا فورۋمى» وسو قۇرىلىسىنا جالپى قۇنى 6 ملرد-تان استام ينۆەستيسيا سالىندى.

اۋداندا 200 ادام قابىلدايتىن ەمحانا مەن تاۋلى قىرات ىقشاماۋدانىندا مەدورتالىق، سونداي-اق مادەنيەت، سپورت، تۋريزم جانە بيزنەس نىساندارى سالىنادى.