الماتى قالاسى اكىمدىگىنىڭ باسپا ءسوز ورتالىعىندا وتكەن بريفينگتە اۋدان اكىمى التاي راحىمبەتوۆ بوستاندىق اۋدانىندا سۋ باسۋدىڭ الدىن الۋ ءۇشىن نە جاسالعانىن جانە ازاماتتاردىڭ وتىنىشتەرىمەن قالاي جۇمىس ىستەپ جاتقانىن ايتتى.
ماسەلەن، ليسيانسكيي كوشەسىنىڭ سولتۇستىك جاعىنداعى جول جيەكتەرىنە بورديۋرلەر ورناتىلدى. وسىنداي بورديۋرلەر تيميريازيەۆ كوشەسىنىڭ سولتۇستىك جاعىنداعى ارىق جۇيەسىنىڭ بويىمەن باسقا كوشەلەرگە جاڭبىر سۋىن بۇرۋ ءۇشىن ورناتىلدى. بۇل شارا تيميريازيەۆ كوشەسىندەگى (ايمانوۆ كوش.قيىلىسى) ۇيلەردىڭ اۋلالارىندا سۋ باسۋ جاعدايلارىن بولدىرماۋعا مۇمكىندىك بەرەدى.
الماتى قالاسى اكىمىنىڭ تۇرعىندارمەن كەزدەسۋىندە 118 سۇراق كەلىپ ءتۇستى. سۇراقتاردىڭ باسىم بولىگى كوممۋنالدىق شارۋاشىلىققا (اۋلا اۋماعىن اباتتاندىرۋ، ەسكى ۇيلەردى بۇزۋ جانە ت.ب.) جانە اباتتاندىرۋعا (جول توسەمدەرىن جوندەۋ، كوشەلەردى جارىقتاندىرۋ، ارىق جەلىسىن سانيتارلىق تازالاۋ، جاسىل جەلەكتەردى سانيتارلىق كەسۋ جانە بۇزۋ)، سونداي-اق، تروتۋارلار مەن جولداردى سالۋ جانە جوندەۋ، قوعامدىق كولىك جەلىلەرىن دامىتۋ جانە جاڭعىرتۋ، جولداعى قاۋىپسىزدىكتى ارتتىرۋ. بارلىق ماسەلەلەر كەزەڭ-كەزەڭىمەن شەشىلەدى.
1.14.1 جول بەلگىسىن قالپىنا كەلتىرۋ بويىنشا جۇمىستار جۇرگىزىلدى. ءال-فارابي اتىنداعى قازۇۋ الدىنداعى جاياۋ جۇرگىنشىلەر جولى مەن ءال-فارابي داڭعىلى بويىنداعى باسپالداق ارالىعى جوندەلدى.
ساين كوشەسىندەگى (اسقاروۆ كوش.قيىلىسى) جاسىل جەلەكتەردى سۋارۋ كەستەسى رەتكە كەلتىرىلىپ، سوعان سايكەس جۇمىستار كۇندىزگى ۋاقىتتا 8:00-دەن كەشكى 17:00-گە دەيىن، تۇنگى ۋاقىتتا 21:00-دەن 6:00-گە دەيىن تۇراقتى نەگىزدە جۇرگىزىلەدى. جاروكوۆ كوشەسىندەگى № 292 ۇيگە جىلۋ بەرۋ جۇيەسى رەتكە كەلتىرىلدى.
تەحنيكالىق قاباتتاعى تۇرعىن ەمەس ءۇي-جايعا قايتا تەكسەرۋ جۇرگىزىلىپ، تەكسەرۋ كەزىندە جىلىتۋ جۇيەسىنىڭ بۇزىلماعانى جانە جۇمىس جاعدايىندا ەكەنى انىقتالدى.
سونىمەن قاتار، 18 ۋلى گاز داچيگى ورناتىلىپ، 140 وتباسىنىڭ ۇيلەرىنە گاز قۇبىرى جۇرگىزىلدى.
