جامبىل وبلىسىنىڭ 2019-2020 جىلدارداعى جىلۋ بەرۋ ماۋسىمىنا 99،8 پايىزعا دايىن دەپ جازادى Qamshy.kz اقپارات اگەنتتىگى.

بۇل جىل باسىنان بەرى جۇرگىزىلگەن تىڭعىلىقتى ازىرلىك شارالارىنىڭ ناتيجەسى.

قازىرگى تاڭدا وبلىس كولەمىندە 437 اۆتونومدىق قازاندىق بولسا، الداعى ماڭىزدى ماۋسىمعا ونىڭ بارلىعى ساقاداي ساي تۇر. سونداي-اق، 340 شاقىرىم جىلۋمەن جابدىقتاۋ جەلىلەرىنىڭ 338،5 شاقىرىمى، 969،2 شاقىرىم سۋمەن جابدىقتاۋ جەلىسى دە تولىق دايىن. ونىڭ 21 شاقىرىمى بيىل جوندەۋدەن وتكەن.

اتالعان جەلىلەر ارقىلى 1670 بيۋدجەتتىك نىسانعا جىلۋ بەرىلەدى. بۇل نىساندار دا جىلىتۋ ماۋسىمىنا تولىقتاي ءازىر. سول سەكىلدى 786 ءبىلىم، 390 دەنساۋلىق ساقتاۋ جانە 494 مادەنيەت نىسانى جىلۋ قابىلداۋعا ءتاس-تۇيىن دايىن وتىر. ودان بولەك، 1579 كوپقاباتتى ۇيگە جىلۋ بەرىلەدى.

قىس مەزگىلىندە قاتتى وتىن – كومىر توڭىرەگىندە ءبىرقاتار ماسەلە تۋىندايتىنى بار. وتكەن جىلداعىداي قاربالاستى بولمھدىرماۋ ماقساتىندا ايماقتا الدىن الۋ شارالارى جۇرگىزىلگەن. جالپى، وبلىستاعى بيۋدجەتتىك مەكەمەلەر جىلىتۋ ماۋسىمىنا قاجەتتى كومىردىڭ كولەمى 66،4 مىڭ توننانى قۇرايدى. بۇگىنگى تاڭدا قاجەتتى وتىن تولىقتاي جەتكىزىلگەن. بۇل جۇمىستى تاراز قالاسى جانە وبلىس اۋماعىندا 30 جەكە كومپانيا جۇزەگە اسىرعان.

ال جامبىلدىقتاردىڭ جەكە تۇرعىن ۇيلەرىنە قاجەتتى كومىر كولەمى 254،6 مىڭ توننانى قۇراسا، اتالعان كولەمنىڭ 147،7 مىڭ تونناسى نەمەسە 58 پايىزى جەتكىزىلگەن. جاۋاپتى ماماندار كومىر باعاسى شارىقتامايتىنىن ايتادى. بۇگىندە وبلىس اۋماعىندا كومىردىڭ تونناسىن تەمىرجولدىڭ تۇيىعىنان اراقاشىقتىعىنا، كەنىش ورنى مەن فراكسياسىنا بايلانىستى 11مىڭ مەن 14 مىڭ تەڭگە ارالىعىندا ساتۋدا.

مونوقالالارداعى ورتالىق قازاندىقتاردى وتىنمەن قامتۋ دا جۇيەلى جۇزەگە اسىرىلعان. ماماندار ولاردى وتىنمەن تولىقتاي قامتۋعا 1،1 ملرد. تەڭگە قاجەت ەكەنىن ايتادى. قازىرگى ۋاقىتتا 2019 جىلعا وبلىستىق بيۋدجەتتەن 496،8 ملن.تەڭگە بولىنگەن. بۇل قاراجاتتىڭ 105،7 ملن. تەڭگەسى قاراتاۋ قالاسىنا 4،5 ملن. تەكشە مەتر گاز الۋعا ، 389 ملن. تەڭگەسى جاڭاتاس قالاسىنا 5062 توننا مازۋت الۋعا قارالعان.

– سونداي-اق، قاراتاۋ قالاسىنىڭ قازاندىعىنا جىلىتۋ ماۋسىمىنا قاجەتتى 11،4 ملن. تەكشە مەتر گازعا 273،6 ملن.تەڭگە قاجەت. بۇل ماقساتتا 2019 جىلدىڭ 4ء-شى توقسانىنا 4،5 ملن. تەكشە مەتر گازعا 105،7 ملن. تەڭگە وبلىستىق بيۋدجەتتەن بولىنگەن. جاڭاتاس قالاسىنا 10646 توننا مازۋتقا 1 041،3 ملن. تەڭگە قاجەت. 2019 جىلدىڭ 4ء-شى توقسانىنا 5062 توننا مازۋتقا 535،1 ملن. تەڭگە قاجەت. بۇگىنگە 305،1 ملن. تەڭگە وبلىستىق بيۋدجەتتەن ءبولىندى. ق ر ەنەرگەتيكا مينيستىرلىگىنىڭ حاتىنا سايكەس مازۋتتى تاسمالداۋ باعاسىمەن 105،7 مىڭ تەڭگە بولىپ بەلگىلەنگەن. وسىعان وراي، الداعى

وبلىستىق بيۋدجەتتىن ناقتىلاۋىنا 145،9 ملن. تەڭگەگە بيۋدجەتتىك ءوتىنىم بەرىلدى.

2020 جىلدىڭ 1ء-شى توقسانىنا 5584 توننا مازۋتقا 590،2 ملن. تەڭگە قاجەت. ال، شۋ قالاسىنىڭ قازاندىعىنا وتكەن جىلىتۋ ماۋسىمىنان قالعان 183،2 ملن. تەڭگەگە 7،4 ملن. تەكشە مەتر گاز ساتىپ الۋعا جەتكىلىكتى. سونىمەن قاتار وتكەن جىلىتۋ ماۋسىمىنان قالعان رەزەرۆتەگى 744،3 توننا كومىرلەرى بار، – دەيدى جامبىل وبلىسى اكىمدىگى ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنىڭ باسشىسى ق. قورعانبايەۆ.