الماتى اكىمى ب. ساعىنتايەۆ ءبىرىنشى قازان كۇنى تۇركىستان وبلىسىنا جۇمىس ساپارىمەن باردى. ول ەڭ الدىمەن ارىس قالاسىندا جوندەلگەن – قالپىنا كەلتىرىلگەن جۇمىستاردىڭ ساپاسىن تەكسەردى، دەپ جازادى almaty.gov.kz سايتى.

ەسكە سالساق، قالا 24 ماۋسىمدا بولعان جارىلىس سالدارىنان ايتارلىقتاي زارداپ شەككەن ەدى. بۇكىل ەل بولىپ جۇمىلىپ، قالا قالپىنا كەلتىرىلدى. ول ءۇشىن وبلىستار مەن رەسپۋبليكالىق ماڭىزى بار قالالار سانى بويىنشا ارىس 17 سەكتورعا ءبولىندى. الماتىعا № 14 سەكتور بەرىلدى.

وڭتۇستىك استانانىڭ جاۋاپكەرشىلىك ايماعىندا قالپىنا كەلتىرۋدى قاجەت ەتەتىن 531 ءۇي انىقتالدى. ەگەر 503 ءۇيدىڭ جوندەۋ جۇمىستارى تۋرالى (بۇزىلۋ دەڭگەيىنە وراي كۇردەلى نەمەسە كوسمەتيكالىق جوندەۋ) اڭگىمە قوزعالسا، 28 ءۇيدى قايتا سالىپ شىعۋ قاجەت بولدى.

الماتى سەكتورىن بەس كومپانيانىڭ 300-دەن استام قۇرىلىسشىلارى قالپىنا كەلتىردى.