تۇركىستان وبلىسىنىڭ اكىمى ءومىرزاق شوكەيەۆتىڭ وكىمىمەن تۇركىستان وبلىسى قوعامدىق دامۋ باسقارماسىنىڭ باسشىسى بولىپ ءجۇنىسوۆ دامير داۋلەت ۇلى تاعايىندالدى. بۇل تۋرالى تۇركىستان وبلىسى اكىمىنىڭ باسپا ءسوز قىزمەتى حابارلايدى.
دامير داۋلەت ۇلى 1989 جىلى 18 اقپاندا تۇركىستان وبلىسى تۇلكىباس اۋدانىندا دۇنيەگە كەلگەن.
ءبىلىمى جوعارى، مەملەكەتتىك جەرگىلىكتى باسقارۋ باكالاۆرى، ەسەپ جانە اۋديت ماگيسترى.
ەڭبەك جولىن 2008 جىلى «قازاقستاننىڭ اۋىل جاستار وداعى» وڭتۇستىك قازاقستان وبلىسى فيليالى ءتوراعاسىنىڭ ورىنباسارى بولىپ باستاعان.
2010-2016 جىلدارى شىمكەنت قالاسىندا وڭتۇستىك قازاقستان وبلىسى ىشكى ساياسات باسقارماسىنىڭ «جاستار ورتالىعى» مكم ءبولىم باسشىسى، ديرەكتورىنىڭ ورىنباسارى لاۋازىمدارىن اتقارعان.
2016-2018 جىلدارى قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگىنىڭ «ازاماتتىق باستامالاردى قولداۋ ورتالىعىنىڭ» جوبا مەنەدجەرى، وڭتۇسىتك قازاقستان وبلىسى ىشكى ساياسات باسقارماسىنىڭ اقپاراتتىق ساياسات جانە ب ا ق مونيتورينگى ءبولىمىنىڭ باسشىسى قىزمەتتەرىندە جۇمىس جاساعان.
بۇگىنگى كۇنگە دەيىن تۇركىستان وبلىسى قوعامدىق دامۋ باسقارماسى باسشىسىنىڭ ورىنباسارى بولىپ ەڭبەك ەتىپ كەلدى.
پىكىر قالدىرۋ