اعىمداعى جىل باسىنان بەرى زايسان اۋدانىنا 5 ملرد 948،5 ملن تەڭگە ينۆەستيسيا تارتىلعان. بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە زايسان اۋدانىنىڭ اكىمى سەرىك اقتانوۆ ءمالىم ەتتى.

بريفينگتە اۋدان باسشىسى وڭىردەگى ونەركاسىپ ونىمدەرىنىڭ كولەمى  13 ملرد 362،1 ملن تەڭگەنى قۇراپ، 37،2 مىڭ توننا تاس كومىر، 51 توننا وڭدەلگەن ءسۇت ونىمدەرى جانە 331،9 ملن تەكشە مەتر تابيعي گاز وندىرىلگەنىن اتاپ ءوتتى. 

– اۋداندا اۋىل شارۋاشىلىعى ءونىمىنىڭ جالپى كولەمى 11 ملرد. 208،2 ملن تەڭگەنى قۇراپ وتىر. بۇل وتكەن جىلمەن سالىستىرعاندا 11،6%-عا كوپ، – دەدى سەرىك اقتانوۆ.

بيىل اۋداندا اسىل تۇقىمدى مال شارۋاشىلىعىن دامىتۋدى سۋبسيديالاۋعا 31،5 ملن تەڭگەنىڭ 81 ءوتىنىمى قابىلدانعان. سونىمەن قاتار  مال شارۋاشىلىعىن دامىتۋعا بەت بۇرعان كاسىپكەرلەرگە مەملەكەت تاراپىنان  باسقا دا كومەكتەر كورسەتىلۋدە. اعىمداعى جىلى اۋدانداعى ەكى  شارۋا قوجالىعى  (مامەتەك جانە ەراسىل شارۋا قوجالىقتارى) «سىباعا» باعدارلاماسى بويىنشا رەسەيدەن 179 باس ءىرى قارا مالدارىن ساتىپ اكەلدى.