بيىل شقو زايسان اۋدانىندا از قامتىلعان جانە كوپ بالالى وتباسىلارعا اتاۋلى الەۋمەتتىك كومەك تاعايىنداۋ ماقساتىندا 723،6 ملن تەڭگە قاراستىرىلعان. وعان وبلىستىق بيۋدجەتتەن 124،8 ملن. تەڭگە، رەسپۋبليكالىق بيۋدجەتتەن 422،4 ملن. تەڭگە، ۇلتتىق قوردان – 176،4 ملن. تەڭگە بولىنگەن. بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە زايسان اۋدانىنىڭ اكىمى سەرىك اقتانوۆ ءمالىم ەتتى.

اعىمداعى جىل باسىنان بەرى 946 وتباسىعا اتاۋلى الەۋمەتتىك كومەك تاعايىندالدى. بۇل ماقساتتى 310،9 ملن تەڭگە ءبولىندى. سەرىك اقتانوۆ بريفينگ بارىسىندا وسىلاي دەدى.

– ءوڭىر باسشىسى دانيال احمەتوۆتىڭ تاپسىرماسىنا وراي اعىمداعى جىلدىڭ شىلدە ايىندا «پارىز» وبلىستىق قورى ارقىلى 11 وتباسىنا تۇرعىن ءۇي بەرىلدى، – دەدى اۋدان باسشىسى.

از قامتىلعان وتباسىلارىنان شىققان، جەتىم بالالاردىڭ جانە اتا-اناسىنىڭ قامقورلىعىنسىز قالعان بالالاردىڭ وبلىستىڭ جوعارى وقۋ ورىندارىنداعى وقۋىن تولەۋ ءۇشىن ءۇش ستۋدەنتكە 679،8 مىڭ تەڭگە قاراجات اۋدارىلدى.