قۇقىق قورعاۋ جۇيەسىن تولىق رەفورمالاۋ – اسا ماڭىزدى مىندەتتەردىڭ ءبىرى. قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا وسى باعىتتاعى جۇمىستارعا باسا نازار اۋداردى. بۇل تۇرعىدا مەملەكەت باسشىسى: «پوليسيانىڭ مەملەكەتتىك كۇشتىك قۇرىلىمىنداعى بەينەسى بىرتە-بىرتە وزگەرىپ، قاۋىپسىزدىكتى قامتاماسىز ەتۋ ءۇشىن ازاماتتارعا قىزمەت كورسەتەتىن ورگانعا اينالادى.

ەڭ الدىمەن، 2020 جىلدىڭ اياعىنا دەيىن اكىمشىلىك پوليسيا كوميتەتىنىڭ جۇمىسىن قايتا ۇيىمداستىرۋ قاجەت. مۇنى ناۋقانشىلدىققا اينالدىرماي، ساپالى جۇرگىزگەن ءجون.

پوليسەيلەر جۇمىسىنىڭ تيىمدىلىگى پوليسيا قىزمەتىنىڭ بەدەلدى بولۋىنا بايلانىستى.

ىشكى ىستەر مينيسترلىگىن رەفورمالاۋعا الداعى ءۇش جىل ىشىندە 173 ميلليارد تەڭگە بولىنەدى.

بۇل قاراجات ەڭبەكاقىنى كوبەيتۋگە، باسپانانى جالعا الۋعا، حالىققا قىزمەت كورسەتۋ قاعيداتى بويىنشا پوليسيانىڭ زاماناۋي فرونت-وفيستەرىن اشۋعا جۇمسالادى» دەپ اتاپ كورسەتتى.

جولداۋ جۇكتەگەن مىندەتتەر جامبىل وبلىسىنىڭ قورداي اۋدانىندا قالاي جۇزەگە اسۋدا؟ اۋدان اكىمدىگى بەرگەن رەسمي مالىمەتتەرگە سۇيەنسەك، اعىمداعى جىلدىڭ 8 ايىندا جالپى قىلمىستاردىڭ تىركەلۋى 493 وقيعانى قۇراعان. ال بۇل وتكەن جىلدىڭ ەسەپتى كەزەنىمەن 2 قىلمىسقا تومەندەگەن. سونىمەن قاتار اسا اۋىر قىلمىستار 20 پايىزعا، اۋىر قىلمىستار 48،6 پايىزعا، ورتا دارەجەدەگى قىلمىستار 6،5 پايىزعا تومەندەگەن. قىلمىستىڭ اشىلۋى 69،5 پايىز بولىپ قالىپتاسىپ، وتكەن جىلدىڭ سايكەس جىلىمەن سالىستىرعاندا 4 پايىزعا ارتىپ وتىر.

جالپى كەلىسىمدەردە 2 ينديكاتور جوسپارلانىپ، 1 ينديكاتور ورىندالماۋدا، ياعني بەكىتىلگەن مەجەگە سايكەس 100 زارداپ شەككەن ادامعا شاققانداعى جول-كولىك وقيعالارىنان 39 ادام قايىس بولعان. كورسەتكىش 2018 جىلدىڭ ەسەپتى كەزەڭىمەن سالىستىرعاندا 31 جول كولىك وقيعالارعا نەمەسە 36 قازا بولعان ادامعا ۇلعايعان. ينديكاتوردىڭ ورىندالماۋ سەبەبى رەتىندە كولىك جۇرگىزۋشىلەردىڭ كىناسىنەن رەسپۋبليكالىق ماڭىزى بار جولداردا جول كولىك وقيعالارى سانىنىڭ ۇلعايۋى كورسەتىلۋدە. دەيتۇرعانمەن بۇل باعىتتا ناقتى شارالار قولعا الىنۋدا. جولدان جۇكتەلەگەن مىندەتتەردىڭ اياسىندا جۇزەگە اساتىن جۇيەلى جۇمىستاردىڭ كوپ ۇزاماي ءوز جەمىسىن بەرەتىندىگىنە سەنىم مول.