قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋى مادەنيەت سالاسىنىڭ قىزمەتكەرلەرىن دە جەلپىنتىپ تاستادى. ويتكەنى، جىلدىڭ باستى قۇجاتىندا اتالمىش سالانىڭ وكىلدەرىن قولداۋعا قاتىستى ناقتى تاپسىرمالار بەرىلدى.
مەملەكەت باسشىسى: «ءبىز مادەنيەت سالاسىندا جۇمىس ىستەيتىن ازاماتتارعا جەتكىلىكتى تۇردە كوڭىل بولمەي وتىرمىز.
بۇل – ەڭ الدىمەن، كىتاپحانا، مۋزەي، تەاتر قىزمەتكەرلەرىنە قاتىستى ماسەلە.
ولاردىڭ ەڭبەكاقىسى سوڭعى جىلدارى مۇلدە كوبەيگەن جوق.
سونىڭ سالدارىنان مادەنيەت قىزمەتكەرلەرى، اسىرەسە جاس ماماندار جەڭىلدىگى بار تۇرعىن ءۇي باعدارلامالارىنا قاتىسا المايدى.
مۇنداي احۋال وسى كاسىپتىڭ بەدەلىن ءتۇسىرىپ، لايىقتى كادرلاردىڭ تاپشىلىعى ايقىن سەزىلۋدە.
كەلەسى جىلدان باستاپ ۇكىمەت مادەنيەت قىزمەتكەرلەرىنىڭ ەڭبەكاقىسىن كوبەيتۋى ءتيىس.
سونداي-اق، ءبىلىم بەرۋ جانە دەنساۋلىق ساقتاۋ سالالارىنداعى مىندەتتى الەۋمەتتىك جەڭىلدىكتەر مادەنيەت سالاسىنىڭ وكىلدەرىنە دە بەرىلۋى كەرەك» دەي كەلە بۇل باعىتتاعى ءبىرقاتار مىندەتتەردى ايقىنداپ بەردى.
راسىندا دا رۋحاني جاڭعىرۋعا بەت بۇرعان كەزەڭدە مادەنيەت سالاسىنىڭ قىزمەتكەرلەرىنە ارتىلار جاۋاپكەرشىلىك تە جوعارى. ءوز كەزەگىندە سالا ماماندارى ءوز جۇمىستارىن جۇيەلى جالعاستىرۋدا.
مىسالى، قورداي اۋدانىندا تۇرعىندارعا 19 مادەنيەت نىسانى: ونىڭ ىشىندە 1 اۋداندىق مادەنيەت ءۇيى، 11 اۋىلدىق مادەنيەت ۇيلەرى مەن 7 كلۋب مەكەمەلەرى، اۋداندىق تاريحي-ولكەتانۋ مۋزەيى، سونىمەن قاتار 1 ءموبيلدى اۆتوكلۋب «زەردە»، 1 تۇراقتى كينوقوندىرعى، 2 ساياباق مادەني قىزمەت كورسەتىپ كەلەدى.
جالپى، اۋدان بويىنشا 1،5 ميلليون تەڭگەگە 8 كوۆوركينگ جانە 8،3 ميلليون تەڭگەگە سيفرلاندىرىلعان اقپاراتتىق ورتالىقتار اشىلعان. ولار: ستەپنوە اۋىلدىق كىتاپحاناسىندا 1 ءبىلىم ورتالىعى، قاراكەمەر، سارىبۇلاق، قاينار، اۋقاتتى، ماسانچي، سورتوبە، العا اۋىلدىق كىتاپحانالارىندا ورنالاسقان. سول سياقتى ورتالىقتار جىل سوڭىنا دەيىن قاراساي، كەنەن جانە ءسۇلۋتور اۋىلدىق كىتاپحانالارىندادا اشىلاتىن بولادى.
سونداي-اق اۋدانداعى مادەني وشاقتاردىڭ قاتارىن كوبەيتۋ ماقساتىندا «مادەنيەت وبەكتىلەرىن دامىتۋ» باعدارلاماسى بويىنشا وتار اۋىلىنا 180 ورىندىق جانە جامبىل مەن قاراسۋ اۋىلدارىندا 90 ورىندىق مادەنيەت ۇيلەرىنىڭ قۇرىلىسىن سالۋ ءۇشىن جوبالىق-سمەتالىق قۇجاتتاما ازىرلەۋگە 13،1 ميلليون تەڭگە قاراستىرىلىپ وتىر.
پىكىر قالدىرۋ