جامبىل وبلىسىندا «سيفرلىق قازاقستان» مەملەكەتتىك باعدارلاماسىنىڭ مۇمكىندىگى ءبىلىم سالاسىنا تىڭ سەرپىن بەرىپ قانا قويماي، كوللەدج، مەكتەپ وقۋشىلارىنىڭ قوزعالىسىن باقىلاۋعا مۇمكىندىك بەرىپ وتىر. وڭىردە «Novاcom tehnology» كومپانياسىمەن بىرلەسىپ جۇزەگە اسىرىلىپ وتىرعان «اقىلدى مەكتەپ» جوباسى ارقىلى اتا-انالارعا ءوز بالالارىنىڭ مەكتەپتەگى ءجۇرىس-تۇرىسىن ونلاين-رەجيمدە باقىلاۋعا قول جەتكىزبەك، دەپ جازادى Qamshy.kz اقپارات اگەنتتىگى. 

«اقىلدى مەكتەپ» جوباسىاياسىندا اتا-انالار ءۇشىن مەكتەپ اسحاناسىندا بالاسىنىڭ كۇندەلىكتى تۇتىناتىن اس ءمازىرىن قاداعالاپ، ونى «ەلەكتروندى ءاميان» كومەگىمەن تولەۋ مۇمكىندىگى قولجەتىمدى بولا ءتۇستى. بۇل جوبانى وتكەن جىلى «حالىق تۇتىناتىن تاۋارلار» اتالىمى بويىنشا ق ر پرەزيدەنتىنىڭ «التىن ساپا» سىيلىعىنا يە بولعان «Novاcom tehnology» كومپانياسى جۇرگىزۋدە ەندىگى كەزەكتە «Novاcom tehnology» مەكتەپتەردە سيفرلىق باقىلاۋ – وتكىزۋ قۇرىلعىلارىن ورناتىپ، «smart school»ءموبيلدى قوسىمشاسىن قولدانىسقا ەنگىزۋ مۇمكىندىگىن قاراستىرىپ وتىر.

مەكتەپ عيماراتىنا ەنەتىن ەسىكتەگى باقىلاۋ – وتكىزۋ قۇرىلعىلارى ۇستازدار مەن وقۋشىلاردىڭ ءبىلىم بەرۋ ورنىنا كەلۋ-كەتۋ ۋاقىتى تۋرالى ناقتى مالىمەتتەر بەرىلەدى.بۇل قۇرىلعىلاردىڭ اتالعان مالىمەتتەردى تىركەۋ ءۇردىسى 4 ءتۇرلى ءتاسىل ارقىلى جۇزەگە اسادى.ونىڭ باستى ەرەكشەلىگى قۇرىلعىعا بيومەتريالىق ولشەمدەردى تەكسەرەتىن جۇيەنى ەنگىزىلۋىندە بولماق. بۇل جۇيە بويىنشا عيماراتقا كىرۋدە قۇرىلعىنى پايدالانۋشىنىڭ بەت-بەينەسى مەن ساۋساق ىزدەرى تەكسەرىلەدى. باقىلاۋ-وتكىزۋ قۇرىلعىلارى ءدال وسىنداي 10 000 ادامنىڭ بيولوگيالىق مالىمەتتەرىن ساقتاي الادى. ال اتا-انالار مەكتەپكە كەلگەن ۇيالى تەلەفوندارىنداعى «smart school» قوسىمشاسىن پادالانادى،–دەيدى «Novاcom tehnology» جاۋاپكەرشىلىگى شەكتەۋلىگى سەرىكتەستىگىنىڭ اتقارۋشى ديرەكتورى ينديرا ساتىبالدييەۆا.

ال وبلىس اكىمدىگىنىڭ ءبىلىم باسقارماسى باسشىسىنىڭ ورىنباسارى تالعات جامالوۆ تا «اقىلدى مەكتەپ» جوباسىنىڭ مەكتەپتەردەگى ءتارتىپتى باقىلاۋداعى تيىمدىلىگىن تىلگە تيەك ەتتى.

–بۇل جوبانى جۇزەگە اسىرۋ ارقىلى مەكتەپ وقۋشىلارىنىڭ ساباقتان كەشىگۋ، قاشۋ فاكتىلەرىن 60 پايىزعا ازايتۋعا قول جەتكىزىلمەك. ودان سوڭ مەكتەپ عيماراتتارىنا بوگدە ادامداردىڭ كىرۋىنە جول بەرىلمەيدى. سول سەكىلدى اسحانا قىزمەت ءۇشىن اقشانىڭ ونلاين تولەنۋى دە قۇپتارلىق قادام. دەمەك وقۋشىلارعا ەندىگى كەزەكتە قالتاسىنا قولما-قول اقشا سالىپ ءجۇرۋدىڭ قاجەتى شامالى.سايكەسىنشە ءدال وسى فاكتى وقۋشىلار اراسىنداعى تارتىپسىزدىكتىڭ باستى سەبەبى سانالاتىن اقشا بوپسالاۋ ارەكەتىنىڭ جويىلۋىنا مۇمكىندىك بەرەدى،–دەيدى تالعات سالقان ۇلى.

ايتا كەتۋ كەرەك بۇعان دەيىن «Novاcom tehnology» كومپانياسىنىڭ باقىلاۋ-وتكىزۋ قۇرىلعىلارى وڭىردەگى 5 كوللەدجىنە قويىلعان بولاتىن.