باسقوسۋعا دەنساۋلىق ساقتاۋ ءمينيسترى ە.ءبىرتانوۆتىڭ، ەڭبەك جانە حالىقتى الەۋمەتتىك قورعاۋ ءمينيسترى ب. نۇرىمبەتوۆتىڭ، وبلىستار جانە نۇر-سۇلتان، الماتى، شىمكەنت قالالارىنىڭ اكىمدەرى ورىنباسارلارى قاتىستى.

 ساپاربايەۆ مىندەتتى الەۋمەتتىك مەديسينالىق ساقتاندىرۋدى ەنگىزۋ مەرزىمى وزگەرتىلمەيتىنىن جانە جىل سوڭىنا دەيىن بارلىق وڭىرلەر بۇعان دايىن بولۋى تۋرالى اتاپ ءوتتى. سونداي-اق بەردىبەك ماشبەك ۇلى ديسينالىق ساقتاندىرۋ جۇيەسىن ەنگىزۋدە كەي وڭىرلەردە ماسەلە بارىن  اشىق جەتكىزدى.

 كەڭەس بارىسىنداعى  نەگىزگى تاقىرىپتىڭ ءبىرى – ءوزىن-وزى جۇمىسپەن قامتىعان حالىقتىڭ مارتەبەسىن وزەكتەندىرۋ، ءتۇسىندىرۋ جۇمىستارىن جۇرگىزۋ جانە مىندەتتى الەۋمەتتىك مەديسينالىق ساقتاندىرۋدى بولدى.

 سونداي-اق ب.ساپاربايەۆ: «ەڭ باستىسى – حالىقتىڭ مارتەبەسىن وزەكتەندىرۋ. بىزدە جاقسى تاجىريبە بار. الايدا، كەمشىلىكتەردى دە جاسىرۋعا بولمايدى. جىل سوڭىنا دەيىن مارتەبەسى ءالى انىقتالماعان بارلىق ادامداردى قامتۋ كەرەك. سالىق ورگاندارى سالىقتى جانە مىندەتتى الەۋمەتتىك تولەمدەردى، ونىڭ ىشىندە ءمامس تولەۋدى باقىلاۋدى جانە جۇمىستى كۇشەيتۋى ءتيىس. ال 2020 جىلدىڭ 1 قاڭتارىنان باستاپ ءمامس ىسكە قوسۋ بويىنشا ەلباسى مەن پرەزيدەنتتىڭ تاپسىرمالارى بار. مەرزىمدەر اۋىستىرىلمايدى. بارلىق وڭىرلەر جىل سوڭىنا دەيىن دايىن بولۋى ءتيىس»، - دەپ ءسوزىن تۇيىندەدى.

 كەڭەس قورىتىندىسىندا  مەديسينالىق ساقتاندىرۋ جۇيەسىن ەنگىزۋ، حالىقتىڭ مارتەبەسىن وزەكتەندىرۋ جانە حالىقتى اقپاراتتاندىرۋ بويىنشا جۇمىستى جالعاستىرۋدى تاپسىردى.