ەلباسىنىڭ سارابدال ساياساتى ءارقاشاندا قارا حالىقتىڭ قامىنا باعىتتالعانى بەلگىلى. سونداي-اق مەملەكەت باسشىسى قاسىم-جومارت توقايەۆ تا تۇرعىنداردىڭ تۇرمىسىن تۇزەۋ باعىتىندا ءوز جولداۋىندا ناقتى مەجەلەردى ايقىنداپ بەردى. ونىڭ ءبىرى اتاۋلى الەۋمەتتىك كومەكتى بەلگىلەۋ. بۇل باعىتتا جامبىل وبلىسى بايزاق اۋدانىندا ءبىراز تىرشىلىك تەتىگىن تاپقان، دەپ جازادى Qamshy.kz اقپارات اگەنتتىگى. 

اتاپ ايتساق، اۋىلدىق وكرۋگتەر بويىنشا 3 698 وتباسىدان (18 484 ادام) الەۋمەتتىك كومەك تاعايىنداۋعا قۇجاتتار قابىلدانعان. ونىڭ ىشىندە، 3 465 وتباسىنا، ياعني 17 542 ادامعا شارتتى اقشالاي، 233 وتباسىنا، ياعني، 942 ادامعا شارتسىز اقشالاي كومەكتەر تاعايىندالىپتى. 2019 جىلدىڭ 1 ساۋىرىنەن باستاپ زاڭعا وزگەرىستەر ەنگىزىلۋگە بايلانىستى 3 700 ادامعا ءتۇسىندىرۋ جۇمىستارى جۇرگىزىلگەن. 773 وتباسىنا قايتا ەسەپتەۋ جاسالىنعان. سونىمەن بىرگە، 3 698 ادامنىڭ ءوتىنىشى بازاعا ەنگىزىلىپ، 3 698ء-ى دە ۋاكىلەتتى ورگان ارقىلى تاعايىنداۋعا جىبەرىلگەن.

ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسى اياسىندا دا ءبىراز تىرلىك جۇزەگە اسىرىلۋدا. اتاپ ايتساق اۋدان بويىنشا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسىنا قاتىسۋشىلار سانىنىڭ جوسپارى 3 702 ادام. جالپى، جىل باسىنان باعدارلاماعا قاتىسۋشىلار سانى 2 284 ادام نەمەسە 61،7 پايىزدى قۇراسا، جۇمىس ىزدەۋشى رەتىندە تىركەلگەندەرى 2 022 ادامعا جەتىپ وتىر. اتالمىش باعدارلامانىڭ ءبىرىنشى باعىتى نەگىزىندە تەحنيكالىق جانە كاسىپتىك بىلىممەن (تجكب) 91 ادام جانە قىسقا مەرزىمدى كاسىپتىك وقۋمەن جوسپارلانعان ەكى ءجۇز ادامنىڭ ورنىنا 203 ادامدى قامتاماسىز ەتىلگەن. ونىڭ ىشىندە 10-ى مۇمكىندىگى شەكتەۋلى جاندار. ەكىنشى باعىتقا سايكەس، 128 ادامنىڭ 84ء-ى جاپپاي كاسىپكەرلىكتى دامىتۋ اياسىندا نەسيە الۋعا قول جەتكىزىلگەن. كاسىپكەرلىك نەگىزدەرىنە وقىتۋعا 141 ادام (مۇگەدەگى 5 ادام)، مەملەكەتتىك گرانتقا 81 ادام جولدانعان. حالىقتى جۇمىسپەن قامتۋعا جاردەمدەسۋ جانە ەڭبەك رەسۋرستارىنىڭ ۇتقىرلىعى ارقىلى ەڭبەك نارىعىن دامىتۋ بويىنشا ءۇشىنشى باعىت تا نازاردان تىس قالعان ەمەس. وسى ماقساتتا، الەۋمەتتىك جۇمىس ورىندارىنا 210 ادام (مۇگەدەگى 7 ادام)، جاستار پراكتيكاسىنا 287 ادام (مۇگەدەگى 7 ادام)، اقىلى قوعامدىق جۇمىس ورىندارىنا 510 ادام جىبەرىلگەن. بوس جۇمىس ورىندارىنا تۇراقتى 476-ى جۇمىسپەن قامتىلسا (ونىڭ ىشىندە، مۇگەدەگى 14 ادام)، جەكەشە باستامالار بويىنشا 147 ادام، مەملەكەتتىك، وڭىرلەردى دامىتۋ، سالالىق، تاعى باسقا دا ينفراقۇرىلىمدىق باعدارلامالارعا 56 ادام قامتىلىپ وتىر. اتاپ ايتقاندا، “نۇرلى جول” باعدارلاماسى بويىنشا 22 ادام، “وڭىرلەردى دامىتۋ” باعدارلاماسى بويىنشا 4 ادام، “بيزنەستىڭ 2020 جول كارتاسى” جانە “اگرووندىرىستىك كەشەنى” باعدارلامالارى بويىنشا 22 ادامنان، جەكەشە باستامالارعا 147 ادام جولدانعان. بۇدان بولەك، جاڭا جۇمىس ورىندارىنا جوسپارلانعان 450 ادامنىڭ 254ء-ى ورىندالسا، مۇمكىندىگى شەكتەۋلى ازاماتتاردى جۇمىسپەن قامتۋ جوسپارى ارتىعىمەن ورىندالىپ، 51 ادامدى قۇراپ وتىر.