ق ر پرەزيدەنتى جانىنداعى ورتالىق كوممۋنيكاسيالار قىزمەتىندە ق ر قازاق كۇرەسى فەدەراسياسىنىڭ جىلدىق ەسەپ بەرۋ كونفەرەنسياسى اياسىندا باسپا ءسوز ماسليحاتى بولىپ ءوتتى. كونفەرەنسياعا اقپارات جانە قوعامدىق دامۋ ءمينيسترى داۋرەن ابايەۆ جانە ق ر قازاق كۇرەسى فەدەراسياسىنىڭ پرەزيدەنتى ارمان شورايەۆ قاتىستى، دەپ جازادى Qamshy.kz اقپارات اگەنتتىگى.
ق ر قازاق كۇرەسى فەدەراسياسىنىڭ پرەزيدەنتى ارمان شورايەۆ 2013-2019 جىلدار ارالىعىنداعى فەدەراسيانىڭ جۇمىسى مەن جالپى دامۋى جايلى ايتىپ ءوتتى. بايانداماسى بارىسىندا ۇلتتىق كۇرەستىڭ دامۋىنداعى ءبىرقاتار ەرەكشەلىكتەر، وزگەرىستەر، الەمدىك سپورتتاعى قازاق كۇرەسىنىڭ ورىنى جايلى ويىمەن ءبولىستى.
ارمان تولەگەن ۇلى فەدەراسيانى باسقارعان جىلداردا "قازاقستان بارىسى" جوباسىن ۇلتتىق يدەياعا اينالدىردى. قازاق كۇرەسىنىڭ بالۋاندارىن ەلىمىزدەگى ەڭ تابىستى سپورتشىلار قاتارىنا قوستى.
سونداي-اق، "الەم بارىسى"، "ەۋرازيا بارىسى"، "جاس بارىس"، "حالىق بارىسى" جوبالارى ارقىلى قازاق كۇرەسى سپورتشىلارىنىڭ الەۋمەتتىك ءليفتىن قالىپتاستىردى. فەدەراسيانى "سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراسياسىنىڭ" قۇرامىنا قوستى.
ونىڭ ىشىندە، تاريحي قادامداردىڭ ءبىرى – قازاق كۇرەسىن يۋنەسكو-نىڭ دۇنيەجۇزىلىك مۇرالار تىزىمىنە ەنگىزدى. حالىقارالىق "Qazaq kuresi" فەدەراسياسىنىڭ قۇرىلۋىنا نەگىز بولدى.
فەدەراسيانىڭ تىزگىنىن ۇستاعان 6 جىلدا قازاق كۇرەسىن ۇلتتىق برەندكە اينالدىردى.
ءوز ءسوزىنىڭ سوڭىندا ارمان شورايەۆ فەدەراسيانىڭ پرەزيدەنتى بولعان جىلداردا ۇلتتىق كۇرەستى دامىتۋعا بار ءبىلىمى مەن بىلىگىن جۇمساعانىن ايتا كەلە، الداعى ۋاقىتتا تىزگىندى اقپارات جانە قوعامدىق دامۋ ءمينيسترى ابايەۆ داۋرەن اسكەربەكۇلىنا الاتىندىعى حابارلادى.
اتالعان ۇسىنىسقا سايكەس فەدەراسيا مۇشەلەرى ءبىراۋىزدان ۇسىنىستى قولداپ، داۋرەن اباايەۆقا ۇلتتىق كۇرەستى سەنىپ تاپسىراتىندارىن ءبىلدىردى.
ءسوز العان داۋرەن اسكەربەك ۇلى ۇلتتىق قۇندىلىقتارىمىزدىڭ باستۋىندا تۇرعان قازاق كۇرەسىنىڭ دامۋى ءۇشىن ايانباي ەڭبەك ەتەتىنىن، ارتىلعان سەنىمدى اقتايتىنىن ايتتى.
پىكىر قالدىرۋ