"حابار" تەلەارناسىنداعى "بولشايا نەدەليا" باعدارلاماسىندا ەرجان تاتىشيەۆتىڭ ءولىمىنىڭ سەبەبى تالقىلاندى دەپ جازادى Qamshy.kz اقپارات اگەنتتىگى.
ارنايى حابارعا بانكيردىڭ ولىمىنە قاتىستى وقيعانىڭ اق-قاراسىن تالقىلاۋعا قايتىس بولعان بۇرىنعى باسشىسى ەرجان ءتاتىشوۆ وتباسىنىڭ ادۆوكاتى ەۆگەنيي ياۆورسكيي، سۋديا ازامات تىلەپوۆ، باس پروكۋراتۋرادان ەرجان ەرمۇحانبەت ۇلى، بلوگەر، قوعام قايراتكەرى دەنيس كريۆوشەيەۆتەر قاتىستى. سونداي-اق «قازشىنىقۇرىلىس» مەكەمەسىنىڭ بۇرىنعى باسشىسى مۇراتحان ءتوقمادي جازاسىن وتەۋ مەكەمەسىنەن تىكەلەي بايلانىسقا شىقتى. مۇراتحان ءتوقمادي بانكتىڭ بۇرىنعى باسشىسى ەرجان تاتىشيەۆتى تاپسىرىسپەن ءولتىرۋ ءىسى بويىنشا وقيعانىڭ قالاي وربىگەنىن تالداپ، ايتىپ بەرەدى. سونداي-اق 2001-2006 جىلدارى ۇلتتىق قاۋىپسىزدىك كوميتەتىن باسقارعان نارتاي دۇتبايەۆ، ەرجان تاتىشيەۆتىڭ بۇرىنعى جەكە كۇزەتشىسى سەرگەي كوزليكين بانكيردىڭ ءولىمىنىڭ قالاي، قايدا، قاشان بولعانىن تالدادى.
باعدارلامادا ەكس-بانكيردىڭ ولىمىنە قاتىستى دەرەكتەردى شەتەلدىك ساراپشىلار «مۇحتار ءابىليازوۆتىڭ تاپسىرىسىمەن ەرجان تاتىشيەۆتى ءولتىردىم» دەگەن مۇرات ءتوقماديدىڭ ءۋاجىن جان-جاقتى تالقىلاپ شىققان. باستاپقىدا «ەرجان تاتىشيەۆتى بايقاماي اتىپ الدىم» دەپ اقتالعان مۇراتحان ءتوقمادي بانكيردى ادەيى ولتىرگەنىن مويىندايدى. تاپسىرىستى ورىنداعانى ءۇشىن 4 ميلليون دوللارعا كەلىسكەنىن دە ايتىپ وتەدى.
پىكىر قالدىرۋ