اعىمداعى جىلى شقو كۇرشىم اۋدانىندا ەت، ءسۇت، جۇمىرتقا ءوندىرۋ كولەمى وتكەن جىلعى كورسەتكىشپەن سالىستىرعاندا 3،8 پايىزعا ارتتى. بۇل تۋرالى ايماقتىق كوممۋنيكاسيالار قىزمەتىندە وتكەن بريفينگتە كۇرشىم اۋدانىنىڭ اكىمى دۋلات قاجانوۆ ءمالىم ەتتى.

– ءىرى قارا مال سانى 85،1 مىڭ باستى قۇراپ، بىلتىرعى جىلمەن سالىستىرعاندا 0،1 پايىزعا، سونىڭ ىشىندە سيىر باسىنىڭ سانى 40،7 مىڭ باستى قۇراپ، 0،9 پايىزعا، جىلقى سانى 31،9 مىڭ باستى قۇراپ، بىلتىرعى جىلدىڭ سايكەس كەزەڭىمەن سالىستىرعاندا 6،6 پايىزعا، قۇس باسى 54،9 مىڭ باستى قۇراپ، 0،8 پايىزعا ءوستى، قوي جانە ەشكى سانى 197،9 مىڭ باستى قۇراپ، بىلتىرعى جىلدىڭ سايكەس كەزەڭىمەن سالىستىرعاندا 3،9 پايىزعا ازايدى، – دەدى دۋلات قاجانوۆ.

بيىل كۇرشىم اۋدانىنا 1 ملرد 601 ملن 400 مىڭ تەڭگە ينۆەستيسيا تارتىلدى. بۇل بىلتىرعى جىلدىڭ سايكەس كەزەڭىمەن سالىستارعاندا 11،4 پايىزعا كوپ. ال شاعىن جانە ورتا كاسىپكەرلىك سۋبەكتىلەرىنەن تۇسكەن سالىق كولەمى 115 ملن. 899 مىڭ تەڭگەنى نەمەسە ءوسىم 32،8 پايىزدى قۇرادى.