كۇرشىم اۋدانىندا «نۇرلى جەر» باعدارلاماسى اياسىندا جەكە سالىمشىلار ەسەبىنەن 1464 شارشى مەتر تۇرعىن ءۇي سالىنىپ، پايدالانۋعا بەرىلدى. بۇل تۋرالى ايماقتىق كوممۋنيكاسيالار قىزمەتىندە وتكەن بريفينگتە كۇرشىم اۋدانىنىڭ اكىمى دۋلات قاجانوۆ ءمالىم ەتتى.

– مەملەكەت باسشىسىنىڭ «بەس الەۋمەتتىك باستاماسى» اتتى حالىققا ۇندەۋىن جۇزەگە اسىرۋ ماقساتىندا ءتيىستى جۇمىستار جۇرگىزىلۋدە، – دەدى دۋلات قاجانوۆ.

بريفينگ بارىسىندا اۋدان اكىمى بيىل «پارىز» فوندى ارقىلى 5 كوپبالالى وتباسى، جەكە كاسىپكەرلەردىڭ دەمەۋشىلىگىمەن 2 كوپبالالى وتباسى جانە 1 تولىق ەمەس وتباسى باسپانالى بولعانىن اتاپ ءوتتى.

– قۇرىلىس جۇمىستارىنىڭ كولەمى 2019 جىلدىڭ قاڭتار-تامىز ايىندا 1 ملرد 115 ملن 100 مىڭ تەڭگەنى قۇرادى. بۇل وتكەن جىلدىڭ سايكەس كەزەڭىمەن سالىستىرعاندا 16،1 پايىزعا ارتىق، – دەدى دۋلات قاجانوۆ.