الماتى اكىمدىگىنىڭ باسپا ءسوز ورتالىعىندا سيفرلاندىرۋ باسقارماسىنىڭ باسشىسى بايان قوڭىربايەۆ بارلىق مەمقىزمەتتەردى سيفرلاندىرۋ مىندەتىنىڭ الدىعا قويىلىپ وتىرعانىن حابارلادى، دەپ جازادى almaty.gov.kz.

قالالىقتار ءۇشىن اقپاراتتىق جۇيەنىڭ قولجەتىمدىلىگىن بارىنشا جەڭىلدەتۋ جانە قالانىڭ بارلىق تىنىس-تىرشىلىگىنىڭ ءبىرىڭعاي بازاسىن جاساۋ بۇگىندەگى باستى ماقساتتاردىڭ ءبىرى. سيفرلاندىرۋ مەملەكەتتىك ورگانداردىڭ اشىقتىق جانە تۇرعىنداردىڭ حابارلانۋ دەڭگەيىن ارتتىرادى.

– قازىرگى كەزدە ءبىز قالانىڭ بارلىق نىساندارىنا مونيتورينگ جۇرگىزەمىز، سول ارقىلى جول جوندەۋ، ينفراقۇرىلىمدىق جەلىلەردى تارتۋ، مەكتەپتەردىڭ، بالا باقشالاردىڭ، اۋرۋحانالاردىڭ شوعىرلانۋى جانە باسقالارى بويىنشا كورسەتىلگەن سەرۆيستىك جۇمىستاردى ءبىلىپ وتىرامىز. ەندى بۇل باعىتتى ودان ءارى جەتىلدىرىپ، ونىڭ وپەراسيالىق دامۋ پروسەسسىنە قالا تۇرعىندارىن كەڭىنەن تارتۋ ءۇشىن ءبىرقاتار شارالاردى جۇزەگە اسىرامىز، – دەدى ب. قوڭىربايەۆ.

سيفرلاندىرۋ باسقارماسىندا بىرنەشە بولىمدەر بولادى، ولار: جوبالاۋدى باسقارۋ، پروسەسستىك دامۋ جانە وزگەرىستەردى باسقارۋ، مالىمەتتەردى باسقارۋ.

سونىمەن قاتار، ستۋدەنتتەر مەن تۇلەكتەردى سيفرلاندىرۋ پروسەسسىنە تارتۋ ءۇشىن تەحنيكالىق ۋنيۆەرسيتەتتەر جانە كاسىبي كوللەدجدەرمەن ىنتىماقتاستىق ورناتىلاتىن بولادى.