الماتىدا 3 قازان كۇنى ساعات 12.55-تە جوسپارلى جالپىقالالىق سەيسموجاتتىعۋ وتەدى، دەپ جازادى قالالىق اكىمدىكتىڭ باسپا ءسوز قىزمەتى.

ءبىرىنشى كەزەڭ – ەلەكتروسيرەندەردى قوسۋ ارقىلى حالىق «بارلىعىڭىزدىڭ نازارلارىڭىزعا!» ءبىرىڭعاي دابىل بويىنشا حاباردار ەتىلەدى جانە تەلەارنالار مەن راديوحابارلار اۆتوماتتى تۇردە وشىرىلەدى. «دارمەن» ءموبيلدى قوسىمشاسىن جۇكتەگەن سمارتفون قولدانۋشىلارعا سوزدىك حابارلاما جىبەرىلەدى. ايتا كەتەرلىگى، الماتىعا جاقىن ورنالاسقان سەيسموداچيكتەر ارقىلى بىرەگەي فۋنكسيونال اۆتوماتتى رەجيمدە جەردىڭ سىلكىنۋى تۋرالى push-ەسكەرتۋ جىبەرەدى.

ەكىنشى كەزەڭ – پراكتيكالىق وقۋ الاتاۋ اۋدانىنداعى № 180 ورتا مەكتەپتىڭ اۋماعىندا وتەدى. مۇندا قۇتقارۋشىلاردىڭ ءىس-قيمىلى كورسەتىلەدى، ۇيرەتۋ ترەنينگتەرى وتەدى، «جەر سىلكىنىسى كەزىندەگى ىس-ارەكەت» ۆيدەوويىنى ۇسىنىلادى.

سونىمەن قاتار، وقۋ-جاتتىعۋعا قاتىسۋشىلارعا بۋكلەتتەر، پلاكاتتار جانە قالا اكىمدىگى مەن تج دەپارتامەنتى بىرىگىپ جاساعان «جەر سىلكىنىسى كەزىندەگى 10 قاراپايىم قادام» تاقىرىبىنداعى كورنەكى قۇرالدار تاراتىلادى. ساۋدا ورىندارىندا «قازاقستاننىڭ قىزىل جارتى ايى» قوعامدىق بىرلەستىگى مەن ەرىكتىلەر ليگاسى «جەر سىلىكىنىسى كەزىندەگى حالىقتىڭ ءىس-قيمىلى» تاقىرىبىندا فلەشموبتار وتكىزەدى.

مەكتەپتەردە، اۋرۋحانالار مەن ەمحانالاردا شارتتى تۇردە زارداپ شەككەندەردى قابىلدايتىن پۋنكتتەر اشىلادى. جالپىقالالىق سەيسموجاتتىعۋ جىل سايىن حالىقتى جەر سىلكىنگەن كەزدە جاسايتىن ءىس-قيمىلدارعا دايىنداۋ ماقساتىندا وتەدى. ق ر ءبعم-نىڭ سەيسمولوگيا ينستيتۋتىنىڭ ۇزاق مەرزىمدى بولجاۋى بويىنشا قالا اۋماعىندا 7 جانە ودان جوعارى باللداعى ينتەنسيۆتى جەر سىلكىنىسى بولمايدى.

وسىعان وراي، قالانىڭ تجد الماتى تۇرعىندارى مەن قوناقتارىنان شاراعا تۇسىنىستىكپەن قاراۋدى، سابىرلىق ساقتاۋدى سۇرايدى جانە سەيسموجاتتىعۋ وتكىزۋگە بەلسەندى تۇدە قاتىسۋعا شاقىرادى.