تۇڭعىش پرەزيدەنت نۇرسۇلتان نازاربايەۆ سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى اليك شپەكبايەۆپەن كەزدەستى، – دەپ Qamshy.kz اقپارات اگەنتتىگى حابارلايدى Elbasy.kz-كە سىلتەمە جاساپ.
نازاربايەۆ اگەنتتىكتىڭ تيىمدىلىگىن ارتتىرۋ اياسىندا سىبايلاس جەمقورلىققا قارسى كۇرەستە حالىقارالىق تاجىريبەنى قولدانۋدىڭ ماڭىزدىلىعىن اتاپ ءوتتى.
«ءبىز سىبايلاس جەمقورلىققا قارسى جۇيەنى جەتىلدىرۋ ءۇشىن بارلىق قاجەتتى شارالاردى قابىلدادىق. الايدا، ءبىز شەت ەلدەردىڭ تاجىريبەسىن زەرتتەۋدى جالعاستىرىپ، قىلمىستىڭ بۇل تۇرىمەن كۇرەسۋدىڭ وزىق تاجىريبەلەرىن ەنگىزۋىمىز كەرەك»، – دەدى ەلباسى.
سونداي-اق كەلىسسوزدە قازاقستاننىڭ تۇڭعىش پرەزيدەنتى قوعامنىڭ سىبايلاس جەمقورلىققا قارسى ءىس-قيمىل پروسەسىنە قاتىسۋى قاجەتتىلىگىنە نازار اۋداردى. «حالىق سىبايلاس جەمقورلىقپەن بەلسەندى تۇردە كۇرەسۋى كەرەك. مۇنداي زاڭ بۇزۋشىلىقتار تۋرالى ۋاقتىلى حابارلاۋ كەرەك جانە مەملەكەت بەلسەندى ازاماتتاردى قولداۋى كەرەك»، – دەدى ن.نازاربايەۆ.
كەزدەسۋ بارىسىندا اليك شپەكبايەۆ نۇرسۇلتان نازاربايەۆقا ورتالىق مەملەكەتتىك ورگاندارمەن جانە وبلىس اكىمدىكتەرىمەن بىرلەسىپ «ادالدىق الاسى» جوباسىنىڭ جۇزەگە اسىرىلۋى تۋرالى باياندادى.
پىكىر قالدىرۋ