ورتا سالماقتا IBF جانە IBO تۇجىرىمدارى بويىنشا الەم چەمپيونى قازاقستاندىق گەنناديي گولوۆكيننىڭ كەلەسى قارسىلاسى بەلگىلى بولدى دەپ حابارلايدى Qamshy.kz اقپارات اگەنتتىگى Vesti.kz. سايتىنا سىلتەمە جاساپ.

TheAthletic اقپاراتىنشا، كەلەسى جەكپە-جەگىندە گولوۆكين پولشالىق كاميل شەرەمەتامەن (21-0، 5 كو) جۇدىرىقتاسۋى مۇمكىن. مۇنىڭ الدىندا قازاقستاندىق بوكسشىنىڭ پروموۋتەرى توم لەففلەر ونىڭ اتىن GGG-گە قارسىلاس بولۋى مۇمكىن بوكسشىلار قاتارىندا اتاعان ەدى.

"گولوۆكين بەلبەۋىن قورعاۋ بويىنشا شەرمەتامەن كەلىسىم جاساپ قويىپ، جەكپە-جەكتى مىندەتتى قورعاۋ رەتىندە تىركەۋ ءۇشىن IBF ماقۇلداۋىن كۇتىپ وتىر دەگەن اقپارات بار. بۇل جەكپە-جەك كەلەسى جىلدىڭ باسىندا وتەدى، ەگەر ساۋل الۆارەس تريلوگيانى مامىردا وتكىزگىسى كەلمەسە"، - دەپ كەلتىرىپتى باسىلىم مالىمەتىن جۋرناليست مايكل بەنسون تۆيتتەر جەلىسىندە.