ماجىلىستە ءۇش جىلدىق بيۋدجەتكە وزگەرىس ەنگىزىلىپ،  كوپبالالى انالاردى قولداۋ، مەديسينا، اۋىل شارۋاشىلىعى سياقتى سالالارعا 95 ميلليارد تەڭگەن ءبولىندى دەپ جازادى Qamshy.kz اقپارات اگەنتتىگى.

ۇكىمەت مۇشەلەرىنىڭ اتقارىپ جاتقان جۇمىستارى دەپۋتاتتاردىڭ سىنىنا ۇشىرادى. نۇرلان نىعماتۋلين، ءماجىلىس ءتوراعاسى: - باعدارلاما ەمەس، كونسەپسيا جاسايتىن ءبىر توپ شىقپاسا، وندا وسىنشا قىزمەتكەر نەسىنە كەرەك؟ نە ءۇشىن ۇستايمىز ولاردى؟ بارلىق مەملەكەتتىك ورگاندار وسىنداي. ونداي بولسا، جوبالىق كەڭسە جاسايىق. ءبىر عانا ماسەلە بار. ءبىز وسى مەملەكەتتىك جۇمىستا جۇرگەننەن كەيىن، حالىق قولىمىزعا وسىنداي مەملەكەتتىك بيۋدجەتتى بەرگەننەن كەيىن مەملەكەت قارجىسى ءتيىمدى جۇمسالۋ كەرەك.

 ەكولوگيا ءمينيسترى ماعزۇم مىرزاعالييەۆ بولىنگەن قاراجاتتىڭ جارتىسى قالاي جۇمىسالىپ جاتقانى جونىندە اقپار بەرگەنىمەن، ءماجىلىس تورەاعاسى :

- ءسىزدىڭ جاۋاپتارىڭىزدان، ماعزۇم مارات ۇلى، مىناداي اسەر الۋعا بولادى – جالپىلاما سوزدەر: كۇش سالامىز، كەڭەيتەمىز، قاتايتامىز. ءبارى تۇسىنىكتى. - دەپ كوڭىل تولماۋشىلىق تانىتتى.

نۇرلان نىعماتۋلين تاراپىنان قاتتى سوگىس ەستىگەن مادەنيەت جانە سپورت ۆيسە-مينيسترى ەلدوس رامازانوۆ مادەنيەت مينيسترلىگىنەن قاعاز جازۋعا 100 ملن تەڭگە سۇراعان بولىپ شىقتى. مينيسترلىك مادەني مۇرالاردى ءبىرىڭعاي بازاعا جيناي الماي ءجۇر. ويتكەنى مينيسترلىك قۇرامىنداعى 300 قىزمەتكەر تۇجىرىمداما جازا المايدى ەكەن.