جامبىل وبلىسى شۋ اۋدانىنا قاراستى 36 ەلدى مەكەننىڭ تۇرعىندارىمەن كەزدەسكەن اۋدان اكىمى جارىلقاسىن ءابدىعاپار ۇلى بۇگىندە بۇقارانىڭ تىنىسىمەن ءجىتى تانىس. قارا حالىقتىڭ قامىنا قاجەتتى شارالاردان دا حاباردار. سوندىقتان اكىم بۇقارامەن جۇزدەسۋدى ءبىر ساتكە بولسىن كەيىنگى ىسىرىپ قويماي، ءاردايىم ەل ىشىندە ءجۇر، دەپ جازادى Qamshy.kz اقپارات اگەنتتىگى. ماسەلەن العا اۋىلىندا بولعان اكىمى ءبىرىنشى كەزەكتە اۋىل تۇرعىندارى الاڭداپ وتىرعان ءبىلىم وشاعى تۋرالى ءسوز قوزعاپ، بۇل ماسەلە قارالۋ ۇستىندە ەكەندىگىن، الداعى ون كۇندە مەردىگەر ۇيىم انىقتالسا، كەلىسىمشارت جاسالىپ، قۇجاتتار رەتتەلىپ، جاڭا مەكتەپتىڭ قۇرىلىسى باستالاتىندىعىن، كەلەسى وقۋ جىلىندا وقۋشىلار 300 ورىندىق جاڭا مەكتەپتە ءبىلىم الاتىندىعىن جەتكىزدى. ال، ەسكى مەكتەپتى بالا سانىنىڭ قاجەتتىلىگىنە قاراي بالاباقشاعا اينالدىرۋ كوزدەلگەن. ەكىنشىدەن، اۋىل تۇرعىندارى ءۇشىن وزەكتى پروبلەمانىڭ ءبىرى – مادەنيەت ءۇيى بويىنشا جوعارى جاقتان كەلىسىم بەرگەن جاعدايدا عانا جسق دايىنداۋعا كىرىسىپ، ول ساراپتامادان ءوتىپ جاتسا، جاڭا مادەنيەت ءۇيىن سوعۋعا، الايدا وعان دەيىن ەسكى مەكتەپتىڭ جوندەلۋ بارىسىنا قاراي ىڭعايلاستىرىلعان مادەنيەت ءۇيىن سالۋعا بولاتىندىعىن مالىمدەسە، جول جوندەۋ ماسەلەسى توڭىرەگىندە اۋىلداعى جوندەۋدى قاجەت ەتەتىن كوشەلەردىڭ جوبالىق سمەتالىق قۇجاتتاماسى دايىن تۇرعاندىعىن، ءبىراق اۋىل تۇرعىندارى العا تارتىپ وتىرعان ءۇش كوشەنى بىردەن اسفالتتاۋعا ۋادە بەرە المايتىنىن، بۇل قاراجات كوزىنە قاراي كەزەكپەن جوندەلەتىنىن ايتتى. جايىلىمدىق جەردىڭ جەتىسپەۋى دە اۋىل تۇرعىندارى ءۇشىن وزەكتى. اۋدان باسشىسى بۇل ماسەلەنىڭ شەشىمىن تابۋدىڭ ەكى جولىن ۇسىندى. بىرىنشىدەن، كوپ مالى بار وتباسى يەلەرىن اۋىل سىرتىنداعى مالدى اۋىلعا قونىستاندىرۋ. ەكىنشىدەن، جايىلىمدىق جەردى ءتيىمدى پايدالانۋ ءۇشىن جەكە مەنشىكتەگى بوس جاتقان جەرلەردى مەملەكەتكە قايتارۋ. بۇل ماسەلە رەسپۋبليكا دەڭگەيىندە دە قولعا الىنۋدا. سول سەبەپتەن، اۋىل اكىمىنە وسى باعىتتا جۇمىس جۇرگىزۋ قاجەتتىگىن ەسكەرتتى. كەلەسى كەزەكتە توزعان ەلەكتر باعاندارىنىڭ سالدارىنان جارىق ءجيى وشەتىندىگى دە كوتەرىلگەن ەكەن. بۇل باعىتتا وبلىستاعى جەكە مەنشىكتى «جامبىل-جارىق» مەكەمەسى جۇمىس جۇرگىزىپ وتىرعاندىقتان، ءوزارا جۇمىستار جۇرگىزىلىپ جاتقاندىعى، الايدا اتالمىش مەكەمەنىڭ كەزەگى ءبىزدىڭ اۋدانعا جەتكەنشە اۋدان اكىمدىگىنىڭ تۇرعىن ۇي-كوممۋنالدى شارۋاشىلىعى، جولاۋشىلار كولىگى جانە اۆتوموبيل جولدارى بولىمىمەن بىرلەسىپ، وڭ شەشىمىن قاراستىرۋ قولعا الىناتىندىعى ايتىلدى.

سونىمەن قاتار، اۋدان باسشىسى اۋىلداعى دەنساۋلىق ساقتاۋ سالاسىنىڭ جاي-كۇيىن سۇرادى. بۇل جونىندە اۋداندىق ورتالىق اۋرۋحانا باسشىسى ا.مۇقاتايەۆ جاۋاپ بەرىپ، اۋىلدا دارىگەر جوقتىعىن، تۇرعىندار قوڭىراۋ شالعان كەزدە شۋ قالاسىنداعى جەدەل جاردەم كەلىپ قىزمەت كورسەتەتىندىگىن، ءتورت دارىگەرمەن كەلىسىمشارت جاسالعاندىعىن، ولاردىڭ بىرەۋى اۋىلداعى قىزمەتكە كىرىسكەنگە دەيىن اۋداندىق ەمحانادان دارىگەر نۇركەن التايەۆ ۋاقىتشا قىزمەت كورسەتەتىندىگىن جەتكىزدى. ال، وكرۋگ اكىمى اۋىلدا سۋ، كوگىلدىر وتىن ماسەلەلەرى شەشىمىن تاپقاندىعىن، الايدا ۆەتپۋنكت قاجەتتىگىن جانە ۇلكەن جول جاسالىپ بىتكەن سوڭ، ونىڭ بويىنان كاسىپكەرلىك ماقساتقا جەر اۋىل تۇرعىندارىنا عانا بەرىلسە دەگەن ۇسىنىسىن، كۇيگەن جانە اقشالى كانالدارىن تازالاۋ قاجەتتىگىن العا تارتتى. اتالعان ماسەلەلەر بويىنشا اۋدان اكىمى ج.ايتاقوۆ قاجەتتى شارالار قولعا الىناتىندىعىنا بەك سەندىردى.