بۋرياتيادا (رەسەي فەدەراسياسى) ءوتىپ جاتقان بوكستان الەم چەمپيوناتىنىڭ جارتىلاي فينالىنا ەكى قازاقستاندىق بوكسشى قىز شىقتى، - دەپ حابارلايدى Vesti.kz. سايتىنا سىلتەمە جاساپ.
وسىلايشا، ميلانا سافرونوۆا 64 كەلىگە دەيىنگى 1/4 فينالدا بولگاريالىق مەليس يونۋزوۆانى جەڭدى.
81 كەلىگە دەيىنگى سالماقتا ونەر كورسەتەتىن دينا يسلامبەكوۆا يتاليالىق فلاۆيا سيەۆەريننەن باسىم بولدى.
ال كەشكى سەسسيادا جارتىلاي فينالعا جولداما ءۇشىن تاعى ەكى قازاقستاندىق بوكسشى جۇدىرىقتاسادى. فاريزا شولتاي (81 كەلى) جانە دينا جولامان (54).
ايەلدەر اراسىنداعى الەم چەمپيوناتى 13 قازاندا اياقتالادى.
پىكىر قالدىرۋ