"وردا" توبىنىڭ انشىلەرى ەربولات پەن ەسبولات بەدەلحاننىڭ اكە-شەشەسى جول اپاتىنان قازا بولدى دەپ حابارلايدى Qamshy.kz اقپارات اگەنتتىگى.
بۇل تۋرالى جۋرناليست ريشات اسقاربەك ۇلى حابارلادى.
"وردا" توبىنداعى ەربولات، ەسبولات، جانبولات بەدەلحان دەگەن ءۇش جىگىتتىڭ اكە-شەشەسى ءبىر كۇندە كولىك اپاتىنان قايتىس بولىپتى. وزدەرى دە قوس داۋىستا ءان ايتاتىن تالانتتى جاندار بولعان ەكەن. يماندى بولسىن"، - دەپ جازدى ول Facebook پاراقشاسىندا.
Qamshy.kz اقپارات اگەنتتىگى قايعىعا ورتاقتاسىپ، كوڭىل ايتادى.
انشىلەردىڭ اتا-اناسى كوز جۇمعان جول اپاتى تەمىرتاۋ قالاسىنان ەكى كيلومەتر جەردە بولدى. بۇل تۋرالى قاراعاندى وبلىسى پوليسيا دەپارتامەنتىنىڭ باسپا ءسوز قىزمەتى حابارلادى.
جول اپاتى 11 قازاندا بۇقار جىراۋ اۋدانىندا بولعان. تەمىرتاۋ-استانا اۆتوجولىمەن كەلە جاتقان "Volkswagen" كولىگىنىڭ 66 جاستاعى جۇرگىزۋشىسى قارسى بەتكە شىعىپ كەتىپ، جۇك كولىگىمەن سوقتىعىسقان. "Scania" كولىگىنىڭ رولىندە 28 جاستاعى ەر ادام وتىرعان.
"جول اپاتى سالدارىنان "Volkswagen" كولىگىنىڭ جۇرگىزۋشىسى مەن ءۇش جولاۋشى العان جاراقاتتارىنان وقيعا ورنىندا كوز جۇمدى"، - دەپ حابارلادى پوليسيا دەپارتامەنتىنىڭ باسپا ءسوز قىزمەتى.
قازىرگى ۋاقىتتا جول اپاتىنىڭ ءمان-جايىن پوليسەيلەر انىقتاپ جاتىر. بۇل فاكتى بويىنشا ءتيىستى ساراپتامالار بەلگىلەنىپ، سوتقا دەيىنگى تەرگەۋ جۇرگىزىلۋدە.
پىكىر قالدىرۋ