«رۋحاني جاڭعىرۋ» باعدارلاماسى اياسىندا جىل باسىنان بەرى جامبىل وبلىسىندا كوپتەگەن جاڭا جوبالار جۇزەگە اسىرىلىپ كەلەدى. وسى جوبالاردىڭ تاعلىمى مول، بەرەرى كوپ ەكەندىگى تۇرعىنداردىڭ بەرگەن وي-پىكىرلەرىنەن اڭعارىلادى. بيىلعى جىل «جاستار جىلى» بولىپ جاريالانۋنىا وراي وڭىردەگى جاستاردى قولداۋ، ىنتالاندىرۋ، شىعارماشىلىقتارىن ناسيحاتتاۋ ماقساتىندا ءبىرشاما شارالار اتقارىلۋدا. سونىڭ ءبىرى وبلىستىق «Taraz سيمفونياسى» ونەر فەستيۆالى. وڭىردەن شىققان اقىندار مەن كومپوزيتورلاردىڭ شىعارماشىلىعىن ناسيحاتتاۋمەن قاتار كلاسسيكا، دجاز، رومانس جانرلارىن بەلسەندى تۇردە دامىتۋعا ارنالعان شارا شىعارماشىل ونەرپازداردىڭ قارىم-قابىلەتىن ارتتىرىپ، تالانتتى جاستاردى انىقتاۋ ماقساتىندا شالعايدا جاتقان اۋىلداردان باستالدى.

-وبلىستىق «Taraz سيمفونياسى» ونەر فەستيۆالىنىڭ اۋىلدىق ىرىكتەۋ، ياعني I-كەزەڭى 2019 جىلدىڭ 2-12 ءساۋىر ارالىعىندا وبلىس اۋداندارىنىڭ اۋىلدىق وكرۋگتەرىندە جۇرگىزىلگەن بولاتىن. اتالمىش كەزەڭ بويىنشا قاتىسۋشىلار «اسپاپتا ورىنداۋ» جانە «ۆوكال» نوميناسيالارىمەن ءوزارا ب ا ق سىنادى. فەستيۆالدىڭ اۋداندىق ىرىكتەۋ كەزەڭدەرى 2019 جىلدىڭ 15 ءساۋىر كۇنى وبلىس اۋداندارىندا وتكىزىلدى.

ال فەستيۆالدىڭ II-كەزەڭىنە 200-گە جۋىق ونەرپازدار قاتىسىپ، III-كەزەڭگە 150 ۇمىتكەر ءوتتى.

بۇدان كەيىن «Taraz سيمفونياسى» ونەر فەستيۆالىنىڭ IIIء-شى اۋداندىق ىرىكتەۋ كەزەڭى 2019 جىلدىڭ 16-24 ءساۋىر ارالىعىندا ءوتتى. اۋداندىق ىرىكتەۋ كەزەڭىنە وبلىس اۋداندارى مەن تاراز قالاسىنان بارلىعى 150 ۇمىتكەر قاتىسىپ، وبلىستىق حالىق شىعارماشىلىعى ورتالىعىنىڭ بىلىكتى ماماندارىنان قۇرالعان ساراپتاۋ كوميسسياسى جاساقتالدى،-دەيدى جامبىل وبلىسى اكىمدىگى مادەنيەت، ارحيۆتەر جانە قۇجاتتاما باسقارماسىنىڭ باسشىسى د.بىقىبايەۆ.

ايتۋلى باسەكەدە ق ر «مادەنيەت سالاسىنىڭ ۇزدىگى»، «قۇرمەت» وردەنىنىڭ يەگەرى، وبلىستىق حالىق شىعارماشىلىعى ورتالىعىنىڭ ديرەكتورى عاني سادىربايەۆ، ق ر «مادەنيەت سالاسىنىڭ ۇزدىگى»، كوركەمدىك جەتەكشى ەلميرا دۋتبايەۆا، ءانشى، كومپوزيتور 2011 جىلى وتكەن رەسپۋبليكالىق ش.قالداياقوۆ اتىنداعى كونكۋرسىنىڭ لاۋرەاتى كوپشىل ەرتايەۆ، I رەسپۋبليكالىق «ۇرمەلى جانە ەسترادالىق اسپاپتا ورىنداۋشىلار» كونكۋرسىنىڭ لاۋرەاتى نۇربول بايمبەتوۆ ۇمىتكەرلەردىڭ ونەرىن باعالاپ، 85 ونەرپازعا وبلىستىق ىرىكتەۋگە سەرتيفيكات تابىستادى.

وبلىستىق ىرىكتەۋگە ق ر مادەنيەت قايراتكەرى، قازاق ەستراداسىنىڭ ماەستروسى نۇرلان بايكوزوۆ پەن «ح-band» ەسترادا جانە دجاز وركەسترىنىڭ جەتەكشىسى سەرىك وتەگەنوۆ قاتىستى. ناتيجەسىندە «ۆوكال» نوميناسياسىنان – 31، «اسپاپتا ورىنداۋ» – 8 قاتىسۋشى ۇزدىك دەپ تانىلدى.

ال كۇنى كەشە «بالاساعۇن» ورتالىق كونسەرت زالىندا «Taraz سيمفونياسى» ونەر فەستيۆالىنىڭ گالا-كونسەرتى جوعارى دەڭگەيدە ءوتتى.