ەل ەكونوميكاسى ءار ىسكە يكەمى بار، ءبىلىمدى جاستار ارقىلى داميدى. كاسىپ اشىپ، ءىس باستاۋعا ەشقاشان كەش ەمەس. ءبىراق، ەڭ دۇرىسى وعان ەرتەرەك يكەمدەلۋ. ەلباسى ن.نازاربايەۆتىڭ ازاتتىقتىڭ العاشقى جىلدارىنان نارىقتىق ەكونوميكاعا بەت بۇرىپ، كاسىپكەرللىك بەيىمدەلۋ تۋرالى يدەياسىنىڭ دا ءمانى وسىندا. مەملەكەت باسشىسى قاسىم-جومارت توقايەۆ تا بۇقارانىڭ بيزنەسپەن اينالىسۋىنا بارىنشا جاعداي جاعداي جاسالاتىندىعىن ايتىپ وتىر. ءتىپتى، پرەزيدەنتتىڭ قازاقستان حالقىنا العاشقى جولداۋىندا وسى سالاعا ايرىقشا باسىمدىق بەرىلۋى دە تەگىن ەمەس.

تۇرعىنداردى، ونىڭ ىشىندە جاستاردى كاسىپكەرلىككە باۋلۋدىڭ ماڭىزى قاشاندا زور. وسى ورايدا م.ح.دۋلاتي اتىنداعى تاراز مەملەكەتتىك ۋنيۆەرسيتەتىنىڭ باستامالارى ماقتاۋعا تۇرارلىق. مىسالى، «START-U» ستۋدەنتتىك بيزنەس-ينكۋباتورىنىڭ جاستاردىڭ جىگەرىن جانىپ، قۇلشىنىسىن ارتتىرۋعا تيگىزىپ وتىرعان سەپتىگى مول.

سەبەبى، مۇندا جاستاردىڭ تىڭ بيزنەس يدەيالارى تۋىنداپ قانا قويمايدى، ماقساتقا جەتۋدىڭ جولدارى كورسەتىلەدى، جان-جاقتى ءبىلىم بەرەدى. بيزنەس ينكۋباتوردىڭ ماقساتى – جاستاردىڭ كاسىپكەرلىككە قىزىعۋشىلىعىن ارتتىرۋ، شاعىن كاسىپكەرلىكتى دامىتۋعا قولايلى جاعداي جاساۋ، جاستاردىڭ يننوۆاسيالىق جانە كرەاتيۆتى يدەيالارىن جۇزەگە اسىرۋعا قولداۋ كورسەتۋ.

–بىزگە ستۋدەنت-كوشباسشى قاجەت. جانىپ تۇرعان جاستارعا مۇقتاجبىز. ماقساتى بار، ارمانى بار جاستى قولداۋعا ءبىز ءاردايىم دايىنبىز، - دەيدى Enactus Dulaty كومانداسىنىڭ جەتەكشىسى ءامينا ءۋالي قىزى. – مىسالى، بۇگىندە Enactus Kazakhstan ۇلتتىق وفيسىنە جوبا-مەنەدجەرى قىزمەتىنە شاقىرتۋ العان كاريم سۇلەيمەنوۆ ءبىزدىڭ كومانداعا 1-كۋرس وقىپ جۇرگەن كەزدەن قوسىلىپ، ءوزىنىڭ قابىلەتىن، دارىنىن كورسەتىپ كوشباسشى دارەجەسىنە جەتتى. ونىڭ ءىزىن باسقان ستۋدەنتىمىز شاحزود كادىرحودجايەۆ تا بيىل ماگيستراتۋرانى ءتامامداعالى تۇر. ەندى ءبىزدىڭ كومانداعا كوشباسشى قاجەت. قازان ايىنان باستاپ وسى باعىتتا جۇمىس ىستەيمىز. جانارىندا وت جالىنداعان جاستاردى ءاردايىم قولداۋعا دايىن تۇراتىن ۋنيۆەرسيتەت رەكتورىنا، Enactus Kazakhstan ۇلتتىق ءوفيسىنىڭ ديرەكتورى البينا ەرجانوۆاعا جانە باسقا دەمەۋشىلەرىمىزگە العىسىمىز شەكسىز.

ءيا، اقش-تىڭ سان-حوسە قالاسىندا وتكەن Enactus الەم كۋبوگىندا ەل نامىسىن قورعاپ، ۇزدىكتەر قاتارىنان تابىلعان ۋنيۆەرسيتەتتىڭ كومانداسى شىن مانىندە وقۋ ورداسىنىڭ ماقتانىشتارى. ولاردىڭ ويلاپ تاپقان جوبالارى ارمەن قاراي جالعاسىن تاپسا، الەۋمەتتىك تۇرعىسىنان دا، ەكونوميكالىق جاعىنان دا ءتيىمدى، پايدالى بولاتىنى راس. جۋىردا گيدرو كەشەندە وتكەن بيزنەس فورۋمدا ءسوز سويلەگەن البينا ەرجانوۆا ۋنيۆەرسيتەت قابىرعاسىندا ستۋدەنت اتانىپ، ءبىلىم الىپ جۇرگەن جاستىڭ الدىندا ەكى جول جاتقانىن ايتتى. ءبىرى قاراپايىم عانا كۇندەلىكتى ساباعىن وقىپ، تاپسىرمالاردى ورىنداۋ بولسا، ەكىنشىسى وعان قوسا ءار ءتۇرلى ۇيىمدارعا مۇشە بولىپ، بەلسەندى جاستاردىڭ قاتارىنان تابىلىپ، ءوز-وزىن شىڭداۋ. بۇگىندە وقۋ ورداسىندا ەكىنشى باعىتقا ەكپىن بەرەتىن جاستارردىڭ كوبەيىپ كەلە جاتقاندىعى قۋانتادى.