الماتىدا ءال-فارابي اتىنداعى عىلىم مەن تەحنيكا سالاسى بويىنشا مەملەكەتتىك سىيلىقتىڭ يەگەرى، قازاقستان رەسپۋبليكاسىنىڭ ەڭبەك سىڭىرگەن عىلىم قايراتكەرى، ق ر ۇعا-نىڭ اكادەميگى امانجول قوشانوۆتىڭ تۋعانىنىڭ 85 جىلدىعىنا جانە عىلىمي ءارى قوعامدىق قىزمەتىنىڭ 60 جىلدىعىنا ارنالعان حالىقارالىق سيمپوزيۋم ءوتتى، دەپ جازادى اكىمدىكتىڭ باسپا ءسوز قىزمەتى.
القالى جيىن بارىسىندا الماتى قالاسى اكىمىنىڭ ورىنباسارى ەرجان باباقۇماروۆ سالتانات يەسىن 85 جىلدىق مەرەيلى جاسىمەن قۇتتىقتادى جانە مەملەكەت باسشىسى قاسىم-جومارت توقايەۆتىڭ ارنايى قۇتتىقتاۋ حاتىن وقىپ بەردى.
«قۇرمەتتى امانجول قوشان ۇلى! 85 جاسقا تولعان مەرەيتويىڭىز قۇتتى بولسىن! ءسىز كورنەكتى عالىم رەتىندە وتاندىق ەكونوميكالىق عىلىمدى قالىپتاستىرۋعا مول ۇلەس قوسىپ كەلەسىز. ءسىزدىڭ عىلىمي ەڭبەكتەرىڭىز جانە ىلگەرى زەرتتەۋلەرىڭىز تاۋەلسىز مەملەكەتىمىزدىڭ وركەندەۋىنە وزىندىك پايداسىن تيگىزە بەرەتىنى ءسوزسىز»، – دەلىنگەن جەدەلحاتتا.
سيمپوزيۋمنىڭ جۇمىسىنا تانىمال وتاندىق جانە شەتەلدىك عالىمدار، جوعارى وقۋ ورىندارىنىڭ قىزمەتكەرلەرى، مەملەكەتتىك بيلىك ورگاندارىنىڭ، بيزنەستىڭ، حالىقارالىق جانە ۇكىمەتتىك ەمەس ۇيىمدار مەن قوعام وكىلدەرى قاتىستى.
پىكىر قالدىرۋ