بۇگىن دومينيكان رەسپۋبليكاسىنداعى قازاقستاننىڭ توتەنشە جانە وكىلەتتى ەلشىسى اندريان ەلەمەسوۆ سول ەلدىڭ پرەزيدەنتى دانيلو مەدينا سانچەسكە سەنىم گراموتاسىن تاپسىردى، – دەپ جازادى Qamshy.kz اقپارات اگەنتتىگى regnum.ru سايتىنىڭ دەرەگىن نەگىزگە الىپ.
راسىمگە دومينيكانانىڭ پرەزيدەنتى دە، سىرتقى ىستەر ءمينيسترى دە ءبىرىڭعاي اق كيىممەن كەلگەن. بۇلاردىڭ قاتارىندا قازاق ەلشىسى اندريان ەلەمەسوۆ تە بار.
– بۇل – پروتوكول ءتارتىبى. دومينيكان – تروپيكالىق ەل، اق ءتۇس ەلدىڭ تۋىندا دا بەينەلەگەن. ول – ءبىر ماقساتقا جۇمىلعان حالىق بىرلىگىن كورسەتەدى، – دەدى قازاقستان سىرتقى ىستەر مينيسترلىگىنىڭ رەسمي وكىلى ايبەك سمادياروۆ.
كاريب تەڭىزى جاعالاۋىنداعى دومينيكان قازاقستانمەن ساۋدا جانە ينۆەستيسيا قۇيۋ جونىندە مەموراندۋمعا قول قويدى.
دومينيكان پرەزيدەنتى د.مەدينا سانچەس ارىپتەسى – قازاقستان پرەزيدەنتى قاسىم-جومارت توقايەۆقا سالەمىن جولداپ، ەلشىنىڭ جاڭا قىزمەتىنە تابىس تىلەگەن.
پىكىر قالدىرۋ